महाभारतम्-12-शांतिपर्व-352
Jump to navigation
Jump to search
| ← शांतिपर्व-351 | महाभारतम् द्वादशपर्व महाभारतम्-12-शांतिपर्व-352 वेदव्यासः |
शांतिपर्व-353 → |
श्रीकृष्णेनार्जुनंप्रति हृषीकेशादिस्वनामनिर्वचनम्।। 1।।
तथा रुद्गनारायणयुद्धवर्णनम्।। 2।।
| `भगवानुवाच। | 12-352-1x |
|
नाम्नां निरुक्तं वक्ष्यामि शृणुष्वैकाग्रमानसः। सूर्याचन्द्रमसौ शश्वत्केशैर्मे अंशुसंज्ञितैः।' बोधयंस्तापयंश्चैव जगदुत्तिष्ठते पृथक्।। | 12-352-1a 12-352-1b 12-352-1c |
|
बोधनात्तापनाच्चैव जगतो हर्षणं भवेत्। अग्नीषोमकृतैरेभिः कर्मभिः पाण्डुनन्दन। हृषीकेशोऽहमीशानो वरदो लोकभावनः।। | 12-352-2a 12-352-2b 12-352-2c |
|
इलोपहूतं गेहेषु हरे भागं क्रतुष्वहम्। वर्णो मे हरितः श्रेष्ठस्तस्माद्धरिरहं स्मृतः।। | 12-352-3a 12-352-3b |
|
धामसारो हि लोकानामृतं चैव विचारितम्। ऋतधामा ततो विप्रैः सद्यश्चाहं प्रकीर्तितः।। | 12-352-4a 12-352-4b |
|
नष्टां च धरणीं पूर्वमविन्दं वै गुहागताम्। गोविन्द इति तेनाहं देवैर्वाग्भिरभिष्टुतः।। | 12-352-5a 12-352-5b |
|
शिपिविष्टेति चाख्यायां हीनरोमा च यो भवेत्। तेनाविष्ट तु यत्किंचिच्छिपिविष्टेति च स्मृतः।। | 12-352-6a 12-352-6b |
|
यास्को मामृपिरव्यग्रो नैकयज्ञेषु गीतवान्। शिपिविष्ट इति ह्यस्माद्गुह्यनामधरो ह्यहम्।। | 12-352-7a 12-352-7b |
|
स्तुत्वा मां शिपिविष्टेति यास्क ऋषिरुदारधीः। मत्प्रसादादधो नष्टं निरुक्तमभिजग्मिवान्।। | 12-352-8a 12-352-8b |
|
न हि जातो न जायेयं न जनिष्ये कदाचन। क्षेत्रज्ञः सर्वभूतानां तस्मादहमजं स्मृतः।। | 12-352-9a 12-352-9b |
|
नोक्तपूर्वं मया क्षुद्रमश्लीलं वा कदाचन। ऋता ब्रह्मसुता सा मे सत्यदेवी सरस्वती।। | 12-352-10a 12-352-10b |
|
सच्चासच्चैव कौन्तेय मया वेशितमात्मनि। पौष्करे ब्रह्मसदने सत्यं मासृषयो विदुः।। | 12-352-11a 12-352-11b |
|
सत्वान्न च्युतपूर्वोऽहं सत्यं वै विद्धि मत्कुतम्। जन्मनीहाभवेत्सत्वं पौर्विकं मे धनंजय।। | 12-352-12a 12-352-12b |
|
निराशीः कर्मसंयुक्तः सत्वतश्चाप्यकल्मषः। सात्वतज्ञानगदृष्टोऽहं सत्वतामिति सात्वतः।। | 12-352-13a 12-352-13b |
|
कृषाणि मेदिनीं पार्थ भूत्वा कार्ष्णायसो महान्। कृष्णो वर्णश्च मे यस्मात्तस्मात्कृषणोऽहमर्जुन।। | 12-352-14a 12-352-14b |
|
मया संश्लेषिता भूमिरद्भिर्व्योम च वायुना। वायुश्च तेजसा सार्धं वैकुण्ठत्वं ततो मम।। | 12-352-15a 12-352-15b |
|
निर्वाणं परमं ब्रह्म धर्मोऽसौ पर उच्यते। तस्मान्न च्युतपूर्वोऽहमच्युतस्तेन कर्मणा।। | 12-352-16a 12-352-16b |
|
पृथिवीनभसी चोभे विश्रुते विश्वतोमुखे। तयोः संधारणार्थं हि मामधोक्षजमञ्जसा।। | 12-352-17a 12-352-17b |
|
निरुक्तं वेदविदुपो वेदशब्दार्थचिन्तकाः। ते मां गायन्ति प्राग्वंशे अधोक्षज इति स्मृतः।। | 12-352-18a 12-352-18b |
|
शब्द एकमतैरेप व्याहृतः परमर्षिभिः। नान्यो ह्यधोक्षजो लोके ऋते नारायणं प्रभुम्।। | 12-352-19a 12-352-19b |
|
धृतं ममार्चिषो लोके जन्तूनां प्राणधारणम्। घृतार्चिरहमव्यग्रैर्वेदज्ञैः परिकीर्तितः।। | 12-352-20a 12-352-20b |
|
त्रयो हि धातवः ख्याताः कर्मजा इति ये स्मृताः। पित्तं श्लेष्मा च वायुश्च एष संघात उच्यते।। | 12-352-21a 12-352-21b |
|
एतैश्च धार्यते जन्तुरेतैः क्षीणैश्च क्षीयते। आयुर्वेदविदस्तस्मात्रिधातुं मां प्रचक्षते।। | 12-352-22a 12-352-22b |
|
वृषो हि भगवान्धर्मः ख्यातो लोकेषु भारत। नेघण्टुकपदाख्याने विद्धि मां वृषमुत्तमम्।। | 12-352-23a 12-352-23b |
|
कपिर्वराहः श्रेष्ठश्च धर्मश्च वृष उच्यते। त्समाद्वृषाकपिं प्राह कश्यपो मां प्रजापतिः।। | 12-352-24a 12-352-24b |
|
न चादिं न मध्यं तथा चैव नान्तं कदाचिद्विमन्ते द्विजा मे सुराश्च। अनाद्यो ह्यमध्यस्तथा चाप्यनन्तः। प्रगीतोऽहमीशो विभूर्लोकसाक्षी।। | 12-352-25a 12-352-25b 12-352-25c 12-352-25d |
|
शुचीनि श्रवणीयानि शृणोमीह धनंजय। न च पापानि गृह्णामि ततोऽहं वै शुचिश्रवाः।। | 12-352-26a 12-352-26b |
|
एकशृङ्गः पुरा भूत्वा वराहो नन्दिवर्धनः। इमां चोद्धृतवान्भूमिमेकशृङ्गस्ततो ह्यहम्।। | 12-352-27a 12-352-27b |
|
तथैवासं त्रिककुदो वाराहं रूपमास्थितः। त्रिककुत्तेन विख्यातः शरीरस्य तु मापनात्।। | 12-352-28a 12-352-28b |
|
निरिञ्च इति यत्प्रोक्तं कापिल ज्ञानचिन्तकैः। स प्रजापतिरेवाहं चेतनात्सर्वलोककृत्।। | 12-352-29a 12-352-29b |
|
विद्यासहायवन्तं मामादित्यस्थं सनातनम्। कपिलं प्राहुराचार्याः साङ्ख्या निश्चितनिश्चयाः।। | 12-352-30a 12-352-30b |
|
हिरण्यगर्भो द्युतिमान्य एष च्छन्दसि स्तुतः। योगैः संपूज्यते नित्यं स एवाहं विभुः स्मृतः।। | 12-352-31a 12-352-31b |
|
एकविंशतिसाहस्रं ऋग्वेदं मां प्रचक्षते। सहस्रशाखं यत्साम ये वै वेदविदो जनाः। गायन्त्यारण्यके विप्रा मद्भक्तास्ते हि दुर्लभाः।। | 12-352-32a 12-352-32b 12-352-32c |
|
षट्पञ्चाशतमष्टौ च सप्तत्रिंशतमित्यत। यस्मिञ्शाखा यजुर्वेदे सोहमाध्वर्यवे स्मृतः।। | 12-352-33a 12-352-33b |
|
पञ्चकल्पमथर्वाणं कृत्याभिः परिबृंहितम्। कल्पयन्ति हि मां विप्रा अथर्वाणविदस्तथा।। | 12-352-34a 12-352-34b |
|
शाखाभेदाश्च ये केचिद्याश्च शाखासु गीतयः। स्वरवर्णसमुच्चाराः सर्वांस्तान्विद्धि मत्कृतान्।। | 12-352-35a 12-352-35b |
|
यत्तद्धयशिरः पार्थ समुदेति वरप्रदम्। सोहमेवोत्तरे भागे क्रमाक्षरविभागवित्।। | 12-352-36a 12-352-36b |
|
रामादेशितमार्गेण मत्प्रसादान्महात्मना। पाञ्चालेन क्रमः प्राप्तस्तस्माद्भूतात्सनातनात्।। | 12-352-37a 12-352-37b |
|
बाभ्रव्यगोत्रः स बभौ प्रथमं क्रमपारगः। नारायणाद्वरं लब्ध्वा प्राप्य योगमनुत्तमम्। क्रमं प्रणीय शिक्षां च प्रणयित्वा स गालवः।। | 12-352-38a 12-352-38b 12-352-38c |
|
पुण्डरीकोऽथ राजा च ब्रह्मदत्तः प्रतापवान्। जातीमरणजं दुःखं स्मृत्वास्मृत्वा पुनः पुनः। सप्तजातिषु मुख्यत्वाद्योगाना संपदं गतः।। | 12-352-39a 12-352-39b 12-352-39c |
|
पुराऽहमात्मजः पार्थ प्रथितः कारणान्तरे। धर्मस्य कुरुशार्दूल ततोऽहं धर्मजः स्मृतः।। | 12-352-40a 12-352-40b |
|
नरनारायणौ पूर्वं तपस्तेपतुरव्ययम्। धर्मयानं समारूढौ पर्वते गन्धमादने।। | 12-352-41a 12-352-41b |
|
तत्कालसमये चैव दक्षयज्ञो बभूव ह। न चैवाकल्पयद्भागं दक्षो रुद्रस्य भारत।। | 12-352-42a 12-352-42b |
|
ततो दधीचिवचनाद्दक्षयज्ञमपाहरत्। ससर्ज शूलं कोपेन प्रज्वलन्तं मुहुर्मुहुः।। | 12-352-43a 12-352-43b |
|
तच्छूलं भस्मसात्कृत्वा दक्षयज्ञं सविस्तरम्। आवयोः सहसाऽगच्छद्वदर्याश्रममन्तिकात्। वेगेन महता पार्थ पतन्नारायणोरसि।। | 12-352-44a 12-352-44b 12-352-44c |
|
तत्तस्यतेजसाऽऽविष्टाः केशा नारायणस्य ह। बभूवुर्मुञ्जवर्णास्तु ततोऽहं मुञ्जकेशवान्।। | 12-352-45a 12-352-45b |
|
तच्च शूलं विनिर्धूतं हुंकारेण महात्मना। जगाम शंकरकरं नारायणसमाहतम्।। | 12-352-46a 12-352-46b |
| अथ रुद्र उपाधावत्तावृषी तपसाऽन्वितौ।। | 12-352-47a |
|
तत एनं समुद्धूतं कण्ठे जग्राह पाणिना। नारायणः स विश्वात्मा तेनास्य शितिकण्ठता।। | 12-352-48a 12-352-48b |
|
अथ रुद्रविघातार्थमिषीकां नर उद्धरन्। मन्त्रैश्च संयुयोजाशु सोऽभवत्परशुर्महान्।। | 12-352-49a 12-352-49b |
|
क्षिप्तश्च सहसा तेन खण्डनं प्राप्तवांस्तदा। ततोऽहं खण्डपरशुः स्मृतः परशुखण्डनात्।। | 12-352-50a 12-352-50b |
|
`रुद्रस्य भागं प्रददुर्भागमुच्छेषणं पुनः। श्रुतिरप्यत्र भवति वेदैरुक्तस्तथा पुनः।। | 12-352-51a 12-352-51b |
| उच्छेपणभागो वै रुद्रस्तस्योच्छेपणेन होतव्यमिति सर्वे गम्यरूपेण तदा।।' | 12-352-52a |
| अर्जुन उवाच। | 12-352-53x |
|
अस्मिन्युद्धे तु वार्ष्णेय त्रैलोक्यशमने तदा। को जय प्राप्तवांस्तत्र शंसैतन्मे जनार्दन।। | 12-352-53a 12-352-53b |
| श्रीभगवानुवाच। | 12-352-54x |
|
तयोः संरब्धयोर्युद्धे रुद्रनारायणात्मनोः। उद्विग्राः सहसा कृत्स्नाः सर्वे लोकास्तदाऽभवन्।। | 12-352-54a 12-352-54b |
|
नागृह्णात्पाव्नकः शुभ्रं मूखेषु सुहुतं हविः। वेदा न प्रतिभान्ति स्म ऋषीणां भावितात्मनां।। | 12-352-55a 12-352-55b |
|
देवान्रजस्तमश्चैव समाविविशतुस्तदा। वसुधा संचकम्पे च नभश्च विपफाल ह।। | 12-352-56a 12-352-56b |
|
निष्प्रभाणि च तेजांसि ब्रह्मा चैवासनच्युतः। अगाच्छोपं समुद्रश्च हिमवांश्च व्यशीर्यत।। | 12-352-57a 12-352-57b |
|
तस्मिन्नेवं समुत्पन्ने निमित्ते पाण्डुनन्दन। ब्रह्मा वृतो देवगणार्ऋषिभिश्च महात्मभिः। आजगामाशु तं देशं यत्र युद्धमवर्तत।। | 12-352-58a 12-352-58b 12-352-58c |
|
सोऽञ्जलिप्रग्रहो भूत्वा चतुर्वक्रो निरुक्तगः। उवाच वचनं रुद्रं लोकानामस्तु वै शिवम्। त्यजायुधानि विश्वेश जगतो हितकाम्यया।। | 12-352-59a 12-352-59b 12-352-59c |
|
यदक्षरमथाव्यक्तमीशं लोकस्य भावनम्। कूटस्थं कर्तृनिर्द्वन्द्वमकर्तेति च यं विदुः। व्यक्तिभावगतस्यास्य एका मूर्तिरियं शुभा।। | 12-352-60a 12-352-60b 12-352-60c |
|
नरो नारायणश्चैव जातौ धर्मकुलोद्वहौ। तपसा महता युक्तौ देवश्रेष्ठौ महाव्रतौ।। | 12-352-61a 12-352-61b |
|
अहं प्रसादजस्तस्य कुतश्चित्कारणान्तरे। त्वं चैव क्रोधजस्तात पूर्वसर्गे सनातनः।। | 12-352-62a 12-352-62b |
|
मया च सार्धं वरद विबुधैश्च महर्षिभिः। प्रसादयाशु लोकानां शान्तिर्भवतु माचिरम्।। | 12-352-63a 12-352-63b |
|
ब्रह्मणा त्वेवमुक्तस्तु रुद्रः क्रोधाग्निमुत्सृजन्। प्रसादयामास ततो देवं नारायणं प्रभुम्। शरणं च जगामाद्यं वरेण्यं वरदं हरिम्।। | 12-352-64a 12-352-64b 12-352-64c |
|
ततोऽथ वरदो देवो जितक्रोधो जितेन्द्रियः। प्रीतिमानभवत्तत्र रुद्रेण सह संगतः।। | 12-352-65a 12-352-65b |
|
ऋषिभिर्ब्रह्मणा चैव विबुधैश्च सुपूजितः। उवाच देवमीशानमीशः स जगतो हरिः।। | 12-352-66a 12-352-66b |
|
यस्त्वां वेत्ति स मां वेत्ति यस्त्वामनु स मामनु। नावयोरन्तरं किंचिन्मा तेऽभूद्वुद्धिरन्यथा।। | 12-352-67a 12-352-67b |
|
अद्यप्रभृति श्रीवत्सः शूलाङ्को मे भवत्वयम्। मम पाण्यङ्कितश्चापि श्रीकण्ठस्त्वं भविष्यसि।। | 12-352-68a 12-352-68b |
| श्रीभगवानुवाच। | 12-352-69x |
|
एवंलक्षणमुत्पाद्य परस्परकृतं तदा। सख्यं चैवातुलं कृत्वा रुद्रेण सहितावृषी। तपस्तेपतुरव्यग्रौ विसृज्य त्रिदिवौकसः।। | 12-352-69a 12-352-69b 12-352-69c |
|
एष ते कथितः पार्थ नारायणजयो मृधे। नामानि चैव गुह्यानि निरुक्तानि च भारत। ऋषिभिः कथितानीह यानि संकीर्तितानि ते।। | 12-352-70a 12-352-70b 12-352-70c |
|
एवं बहुविधै रूपैश्चरामीह वसुंधराम्। ब्रह्मलोकं च कौन्येय गोलोकं च सनातनम्।। | 12-352-71a 12-352-71b |
| मया त्वं रक्षितो युद्धे महान्तं प्राप्तवाञ्जयम्।। | 12-352-72a |
|
यस्तु ते सोग्रतो याति युद्धे संप्रत्युपस्थिते। तं विद्धि रुद्रं कौन्तेय देवदेवं कपर्दिनम्।। | 12-352-73a 12-352-73b |
|
कालः स एव विहितः क्रोधजेति मया तव। निहतांस्तेन वै पूर्वं हतवानसि यान्रिपून्।। | 12-352-74a 12-352-74b |
|
अप्रमेयप्रभावं तं देवदेवमुमापतिम्। नमस्व देवं प्रयतो विश्वेशं हरमक्षयम्।। | 12-352-75a 12-352-75b |
|
यश्च ते कथितः पूर्वं क्रोधजेति पुनः पुनः। तस्य प्रभाव एवाग्रे यच्छ्रुतं ते धनंजय।। | 12-352-76a 12-352-76b |
|
।। इति श्रीमन्महाभारते शान्तिपर्वणि मोक्षधर्मपर्वणि नारायणीये द्विपञ्चाशदधिकत्रिशततमोऽध्यायः।। 352।। |
[सम्पाद्यताम्]
12-352-1 बोधयन्स्थापयंश्चैवेति ट. पाठः।। 12-352-2 बोधनात्स्थापनाच्चैवेति ट. पाठः।। 12-352-3 इलोपहूतं योगेनेति झ. पाठः।। 12-352-6 शिपिविष्टं हि तत्स्मृतमिति ट. ध. पाठः।। 12-352-11 पौष्करे मन्नाभिकमलोत्थे।। 12-352-13 निराशीः कर्म निष्कामकर्म।। 12-352-15 विगता कुण्ठा पञ्चानां भूतानां मेलने असामर्थ्यं यस्य स विकुण्ठः स एव वैकुण्ठः।। 12-352-17 अधइति पृथिवी। अक्षू व्याप्तावित्यतोऽक् आकाशः। ते उभे सञ्जयति सङ्गेन धारयतीत्यधोक्षज इत्यर्थः।। 12-352-18 प्राग्वंशे यज्ञशालैकदेज्ञे।। 12-352-20 मम वह्निस्वरूपस्यार्चिपो वर्धकमिति शेषः।। 12-352-28 शरीरस्य प्रकोपनादिति ध. पाठः।। 12-352-29 कालिविज्ञानचिन्तकैरिति ट. पाठः। रेचनात्सर्वलोककृदिति ध. पाठः।। 12-352-43 अपाहरन्नाशितवान् रुद्र इति शेषः।। 12-352-44 तच्छूलं कर्तृ।। 12-352-45 तत्तेजसा शूलतेजसा।। 12-352-48 एनं समुद्धूतमुड्डीयागतं रुद्रम्।। 12-352-50 क्षिप्त आक्षिप्तस्तेन रुद्रशूलेन रुद्रेण वा।। 12-352-64 वरदं हर इति ट. पाठः।।
| शांतिपर्व-351 | पुटाग्रे अल्लिखितम्। | शांतिपर्व-353 |
