महाभारतम्-03-आरण्यकपर्व-246
| ← आरण्यकपर्व-245 | महाभारतम् तृतीयपर्व महाभारतम्-03-आरण्यकपर्व-246 वेदव्यासः |
आरण्यकपर्व-247 → |
अर्जुनेन मायाशक्त्याऽन्तर्धानेन युध्यते चित्रसेनायास्रप्रयोगे सति तेनार्जुनप्रति स्वस्य सखित्वकथनम् ।। 1 ।। ततोऽर्जुनेनास्रोपसंहारे भीमादीनां युद्धोपरमपूर्वकं तेन सह संलापः ।। 2 ।।
| वैशंपायन उवाच। | 3-246-1x |
|
ततो दिव्यास्त्रसंपन्ना गन्धर्वा हेममालिनः। विसृजन्तः शरान्दीप्तान्समन्तात्पर्यवारयन् ।। | 3-246-1a 3-246-1b |
|
चतुरः पाण्डवान्वीरान्गन्धर्वाश्च सहस्रशः। रणे संन्यपतन्राजंस्तदद्भुतमिवाभवत् ।। | 3-246-2a 3-246-2b |
|
यथा कर्णस्य च रथो धार्तराष्ट्रस् चोभयोः। गन्धर्वैः शतशश्छिन्नौ तथा तेषां प्रचक्रितरे ।। | 3-246-3a 3-246-3b |
|
तान्समापततो राजन्गधर्वाञ्छतशो रणे। प्रत्यगृह्णन्नरव्याघ्राः शरवर्षैरनेकशः ।। | 3-246-4a 3-246-4b |
|
ते कीर्यमाणाः खगमाः शरवर्षैः समन्ततः। न शेकुः पाण्डुपुत्राणां समीपे परिवर्तितुम् ।। | 3-246-5a 3-246-5b |
|
अभिक्रुद्धानभिक्रुद्धो गन्धर्वानर्जुनस्तदा। लक्षयित्वाऽथ दिव्यानि महास्त्राण्युपचक्रमे ।। | 3-246-6a 3-246-6b |
|
सहस्राणां सहस्राणि प्राहिणोद्यमसादनम्। अजेयानर्जुनः सङ्ख्ये गन्धर्वाणां बलोत्कटः ।। | 3-246-7a 3-246-7b |
|
तथा भीमो महेष्वासः संयुगे बलिनांवरः। गन्धर्वाञ्शतशो राजञ्चघान निशितैः शरैः ।। | 3-246-8a 3-246-8b |
|
माद्रीपुत्रावपि तथा युध्मानौ बलोत्कटौ। परिगृह्याग्रतो राजञ्जघ्नतुः शतशः परान् ।। | 3-246-9a 3-246-9b |
|
तेवध्यमाना गन्धर्वा दिव्यैरस्त्रैर्महारथैः। उत्पेतुः खमुपादाय धृतराष्ट्रसुतांस्ततः ।। | 3-246-10a 3-246-10b |
|
सतानुत्पतितानदृष्ट्वा कुन्तीपुत्रो धनंजयः। महता शरजालेन समन्तात्पर्यवारयत् ।। | 3-246-11a 3-246-11b |
|
ते ब्रद्धाः शरजालेन शकुन्ता इव पञ्जरे ववर्पुरर्जुनं क्रोधाद्गदाशक्त्यृष्टिवृष्टिभिः ।। | 3-246-12a 3-246-12b |
|
गदाशक्त्यृष्टिवृष्टीस्ता निहत्य परमास्त्रवित्। गात्राणि चाहनद्भल्लैर्गन्धर्वाणां धनंजयः ।। | 3-246-13a 3-246-13b |
|
शिरोभिः प्रपतद्भिश्च चरणैर्बाहुभिस्तथा। अश्मवृष्टिरिवाभाति परेषामभवद्भयम् ।। | 3-246-14a 3-246-14b |
|
ते वध्यमाना गन्धर्वाः पाण्डवेन महात्मना। भूमिष्ठमन्तरिक्षस्थाः शरवर्षैरवाकिरन् ।। | 3-246-15a 3-246-15b |
|
तेषां तु शरवर्षाणि सव्यसाची परंतपः। अस्त्रैः संवार्य तेजस्वी गन्धर्वान्प्रत्यविध्यत ।। | 3-246-16a 3-246-16b |
|
स्थूणाकर्णेन्द्रजालं च सौरं चापि तथाऽर्जुनः। आग्नेयं चापि सौम्यं च ससर्ज कुरुननदनः ।। | 3-246-17a 3-246-17b |
|
ते दह्यमाना गन्धर्वाः कुन्तीपुत्रस्य सायकैः। दैतेया इव शक्रेण विषादमगमन्परम् ।। | 3-246-18a 3-246-18b |
|
ऊर्ध्वमाक्रममाणाश्च शरजालेन वारिताः। विसर्पमाणा भल्लैश्च वार्यन्ते सव्यसाचिना ।। | 3-246-19a 3-246-19b |
|
गन्धर्वांस्त्रासितान्दृष्ट्वा कुन्तीपुत्रेण भारत। चित्रसेनो गदां गृह्य सव्यसाचिनमनाद्रवत् ।। | 3-246-20a 3-246-20b |
|
तस्याभिपततस्तूर्णं गदाहस्तस्य संयुगे। गदां सर्वायसीं पार्थः शरैश्चिच्छेद सप्तधा ।। | 3-246-21a 3-246-21b |
|
स गदां बहुधा दृष्ट्वा कृत्तां बाणैस्तरस्विना। संवृत्य विद्ययाऽऽत्मानं योधयामास पाण्डवं ।। | 3-246-22a 3-246-22b |
|
अस्त्राणइ तस्य दिव्यानि संप्रयुक्तानि सर्वशः। दिव्यैरस्त्रैस्तदा वीरः पर्यवारयदर्जुनः ।। | 3-246-23a 3-246-23b |
|
स वार्यमाणस्तैरस्त्रैरर्जुनेन महात्मना। गन्धर्वराजो बलवान्माययाऽन्तर्हितस्तदा ।। | 3-246-24a 3-246-24b |
|
अन्तर्हितं तमालक्ष्य प्रहरन्तमथार्जुनः। ताडयामास खचरैर्दिव्यास्त्रप्रतिमन्त्रितैः ।। | 3-246-25a 3-246-25b |
|
अन्तर्धानवधं चास्य चक्रे क्रुद्धोऽर्जुनस्तदा। शब्दवेषं समाश्रित्य बहुरूपो धनंजयः ।। | 3-246-26a 3-246-26b |
|
रस वध्यमानस्तैरस्त्रैरर्जुनेन महात्मना। ततोऽस्य दर्शयामास तदाऽऽत्मानं प्रियः सखा ।। | 3-246-27a 3-246-27b |
|
चित्रसेनस्तथोवाच सखायं युधि विद्धि माम्। चित्रसेनमथालक्ष्य सखायमिति विस्मितः ।। | 3-246-28a 3-246-28b |
| संजहारास्त्रमथं तत्प्रसृष्टं पाण्डवर्षभः ।। | 3-246-29a |
|
दृष्ट्वा तु पाण्डवाः सर्वे संहृतास्त्रं धनंजयम्। संजह्रुः प्रद्रुतानश्वाञ्शरवेगान्धनूंषि च ।। | 3-246-30a 3-246-30b |
|
चित्रसेनश्च भीमश्च सव्यसाची यमावपि। पृष्ट्वा कौशलमन्योन्यं रथेष्वेवावतस्थिरे ।। | 3-246-31a 3-246-31b |
|
।। इति श्रीमन्महाभारते अरण्यपर्वणि घोषयात्रापर्वणि षट्चत्वारिंशदधिकद्विशततमोऽध्यायः ।। 246 ।। |
3-246-3 तथा तेषां चतुर्णामपि रथान् छन्नान् प्रचक्रिरे गन्धर्वाः ।। 3-246-20 गृह्य गृहीत्वा ।। 3-246-22 संवृत्य आच्याद्य। विद्यया अदर्शनशक्त्या ।।
| आरण्यकपर्व-245 | पुटाग्रे अल्लिखितम्। | आरण्यकपर्व-247 |