महाभारतम्-03-आरण्यकपर्व-143
| ← आरण्यकपर्व-142 | महाभारतम् तृतीयपर्व महाभारतम्-03-आरण्यकपर्व-143 वेदव्यासः |
आरण्यकपर्व-144 → |
धनंजयादर्सनदुःखितेन युधिष्ठिरेण भीमंप्रति धनंजयप्रशंसनपूर्वकं तद्दर्शनाय गन्धमादनप्रवेशनिश्चयः ।। 1 ।।
| युधिष्ठिर उवाच। | 3-143-1x |
|
भीमसेनयमौ चोभौ पाञ्चालि च निबोधत। नास्ति भूतस्य नाशो वै पश्यतास्मान्वनेचरान् ।। | 3-143-1a 3-143-1b |
|
दुर्बलाः क्लेशिताः स्मेति यद्ब्रुवामेतरेतरम्। अशक्येऽपि व्रजामो यद्नंजयदिदृक्षया ।। | 3-143-2a 3-143-2b |
|
तन्मे दहति गात्राणि तूलराशिमिवानलः। यच्च वीरं न पश्यामि धनंजयमुपान्तिके ।। | 3-143-3a 3-143-3b |
|
तस्यादर्शनतप्तं मां सानुजं वनमास्थितम्। याज्ञसेन्याः परामर्शः स च वीर दहत्युत ।। | 3-143-4a 3-143-4b |
|
नकुलात्पूर्वजं पार्थं न पश्याम्यमितौजसम्। अजेयमुग्रधन्वानं तेन तप्ये वृकोदर ।। | 3-143-5a 3-143-5b |
|
तीर्थानि चैव रम्याणि वनानि च सरांसि च। चरामि सह युष्माभिस्तस्य दर्शनकाङ्क्षया ।। | 3-143-6a 3-143-6b |
|
पञ्चवर्षाण्यहं वीरं सत्यसन्धं धनंजयम्। यन्न पश्यामि बीभत्सुं तेन तप्ये वृकोदर ।। | 3-143-7a 3-143-7b |
|
तं वै श्यामं गुडाकेशं सिंहविक्रान्तगामिनम्। न पश्यामि महाबाहुं तेन तप्ये वृकोदर ।। | 3-143-8a 3-143-8b |
|
कृतास्त्रं निपुणं युद्देऽव्रतिमानं धनुष्मताम्। न पश्यामि कुरुश्रेष्ठ तेन तप्ये वृकोदर ।। | 3-143-9a 3-143-9b |
|
चरन्तमरिसङ्घेषु क्रुद्धं कालमिवानघ। प्रभिन्नमिव मातङ्गं सिंहस्कन्धं धनंजयम् ।। | 3-143-10a 3-143-10b |
|
यः स शक्रादनवरो वीर्येण च बलेन च। यमयोः पूर्वजः पार्थः श्वेताश्वोऽमितविक्रमः ।। | 3-143-11a 3-143-11b |
|
`नारायणसमो युद्धे सत्यसन्धो दृढव्रतः। तं ममापश्यतो भीम न शान्तिर्हृदयस्य वै' ।। | 3-143-12a 3-143-12b |
|
दुःखेन महताऽऽविष्टश्चिन्तयामि दिवानिशम्। अजेयमुग्रधन्वानं तेन तप्ये वृकोदर ।। | 3-143-13a 3-143-13b |
|
सततं यः क्षमाशीलः क्षिप्यमाणोऽप्यणीयसा। ऋजुमार्गप्रपन्नस्य शर्मदाता भयस्य च ।। | 3-143-14a 3-143-14b |
|
स तु जिह्मप्रवृत्तस्य माययाऽभिजिघांसतः। अपि वज्रधरस्यापि भवेत्कालविषोपमः ।। | 3-143-15a 3-143-15b |
|
शत्रोरपि प्रपन्नस्य सोऽनृशंसः प्रतापवान्। दाताऽभयस् बीभत्सुरमितात्मा महाहलः ।। | 3-143-16a 3-143-16b |
|
सर्वेषामाश्रयोऽस्माकं रणेऽरीणां प्रमर्दिता। आहर्ता सर्वरत्नानां सर्वेषां नः सुखावहः ।। | 3-143-17a 3-143-17b |
|
रत्नानि यस्य वीर्येण दिव्यान्यासत्पुरा मम। बहूनि बहुजातीनि यानि प्राप्तः सुयोधनः ।। | 3-143-18a 3-143-18b |
|
यस्य बाहुबलाद्वीर सभा चासीत्पुरा मम। सर्वरत्नमयी ख्याता त्रिषु लोकेषु पाण्डव ।। | 3-143-19a 3-143-19b |
|
वासुदेवसमं वीर्ये कार्तवीर्यसमं युधि। अजेयममितं युद्धे तं न पश्यामि फल्गुनम् ।। | 3-143-20a 3-143-20b |
|
संकर्षणं महावीर्यं त्वां च भीमापराजितम्। अनुयातः स्ववीर्येण वासुदेवं च शत्रुहा ।। | 3-143-21a 3-143-21b |
|
यस् बाहुबले तुल्यः प्रभावे च पुरंदरः। जवे वायुर्मुखे सोमः क्रोधे मृत्युः सनातनः ।। | 3-143-22a 3-143-22b |
|
ते वयं तं नरव्याघ्रं सर्वेवीर दिदृक्षवः। प्रवेक्ष्यामो महाबाहो पर्वतं गन्धमादनम् ।। | 3-143-23a 3-143-23b |
|
विशाला बदरी यत्रनरनारायणाश्रमः। तं सदाऽध्युषितं यक्षैर्द्रक्ष्यामो गिरिसुत्तमम् ।। | 3-143-24a 3-143-24b |
|
कुबेरनलिनीं रम्यां राक्षसैरभिसेविताम्। पद्भिरेव गमिष्यामस्तप्यभाना महत्तपः ।। | 3-143-25a 3-143-25b |
|
नातप्ततपसा शक्यो गन्तुं देशो वृकोदर। न नृशंसेन लुब्धेन नाप्रशान्तेन भारत ।। | 3-143-26a 3-143-26b |
|
तत्र सर्वेगमिष्यामो भीमार्जुपदैषिणः। सायुधा बद्धनिस्त्रिंशाः सार्धं विप्रैर्महाव्रतैः ।। | 3-143-27a 3-143-27b |
|
मक्षिकादंशमशकान्सिंहान्व्याघ्रान्सरीसृपान्। प्राप्नोत्यनियतः पार्थ नियतस्तान्न पश्यति ।। | 3-143-28a 3-143-28b |
|
ते वयं नियतात्मानः पर्वतं गन्धमादनम्। प्रवेक्ष्यामो मिताहारा धनंजयदिदृक्षवः ।। | 3-143-29a 3-143-29b |
|
।। इति श्रीमन्महाभारते अरण्यपर्वणि तीर्थयात्रापर्वणि त्रिचत्वारिंशदधिकशततमोऽध्यायः ।। 143 ।। |
3-143-1 भूतस्य प्राक्तनकर्मणः ।। 3-143-4 परामर्शः केशेषु ग्रहणम्। तस्य दर्शनतृष्णं मामिति झ. पाठः ।। 3-143-9 अप्रतिमानं नास्ति प्रतिमानं सादृश्यं यस् सोऽप्रतिमानस्तम् ।। 3-143-10 प्रभिन्नं स्रवन्मदम् ।। 3-143-11 अनवरोऽहीनः ।। 3-143-16 अमितात्मा महामनाः ।। 3-143-20 अमितमहिंसितं अजितमितियावत् ।। 3-143-21 हे भीम ।। 3-143-28 अनियतोऽशुचिः ।।
| आरण्यकपर्व-142 | पुटाग्रे अल्लिखितम्। | आरण्यकपर्व-144 |