महाभारतम्-13-अनुशासनपर्व-194
| ← अनुशासनपर्व-193 | महाभारतम् त्रतयोदशपर्व महाभारतम्-13-अनुशासनपर्व-194 वेदव्यासः |
अनुशासनपर्व-195 → |
प्रमथैर्ऋषिगणान्प्रति प्रजानां स्वहिंसातदभावकारणाभिधानम्।। 1 ।।
| [भीष्म उवाच। | 13-194-1x |
|
ततः सर्वे महाभागा देवाश्च पितरश्च ह। ऋषयश्च महाभागाः प्रमथान्वाक्यमब्रुवन्।। | 13-194-1a 13-194-1b |
|
भवन्तो वै महाभागा अपरोक्षनिशाचराः। उच्छिष्टानशुचीन्क्षुद्रान्कथं हिसथ मानवान्।। | 13-194-2a 13-194-2b |
|
के च स्मृताः प्रतीघाता येन मर्त्यान्न हिंसथ। रक्षोघ्नानि च कानि स्युर्यैर्गृहेषु प्रणश्यथ। श्रोतुमिच्छाम युष्माकं सर्वमेतन्निशाचराः।। | 13-194-3a 13-194-3b 13-194-3c |
| प्रमथा ऊचुः। | 13-194-4x |
|
मैथुनेन सदोच्छिष्टाः कृते चैवाधरोत्तरे। मोहान्मांसानि खादेत वृक्षमूले च यः स्वपेत्।। | 13-194-4a 13-194-4b |
|
आमिषं शीर्षतो यस्य पादतो यश्च संविशेत्। तत उच्छिष्टकाः सर्वे बहुच्छिद्राश्च मानवाः।। | 13-194-5a 13-194-5b |
|
उदके चाप्यमेध्यानि श्लेष्माणं च प्रमुञ्चति। एते भक्ष्याश्च वध्याश्च मानुषा नात्र संशयः।। | 13-194-6a 13-194-6b |
|
एवं शीलसमाचारान्धर्षयामो हि मानवान्। श्रूयतां च प्रतीघातान्यैर्न शक्नुम हिंसितुम्। | 13-194-7a 13-194-7b |
|
गोरोचनासमालम्भो वचाहस्तश्च यो भवेत्। घृताक्षतं च यो दद्यान्मस्तके तत्परायणः।। | 13-194-8a 13-194-8b |
|
ये च मांसं न खादन्ति तान्न शक्नुम हिंसितुम्। यस्य चाग्निर्गृहे नित्यं दिवारात्रौ च दीप्यते।। | 13-194-9a 13-194-9b |
|
तरक्षोश्चर्मदंष्ट्राश्च तथैव गिरिकच्छपः। आज्यधूमो बिडालश्च च्छागः कृष्णोऽत पिङ्गलः।। | 13-194-10a 13-194-10b |
|
येषामेतानि तिष्ठन्ति गृहेषु गृहमेधिनाम्। तान्यधृष्याण्यगाराणि पिशिताशैः सुदारुणैः।। | 13-194-11a 13-194-11b |
|
लोकानस्मद्विधा ये च विचरन्ति यथासुखम्। तस्मादेतानि गेहेषु रक्षोघ्नानि विशाम्पते। एतद्वः कथितं सर्वं यत्र वः संशयो महान्।।] | 13-194-12a 13-194-12b 13-194-12c |
|
।। इति श्रीमन्महाभारते अनुशासनपर्वणि दानधर्मपर्वणि चतुर्नवत्यधिकशततमोऽध्यायः।। 194 ।। |
13-194-4 अधरोत्तरे अधर उत्तरः श्रेष्ठो यत्र श्रेष्ठस्यावमाने कृते सति।। 13-194-5 आमिषं मांसं शिरसि दधानः। पादतः शय्यायां पादस्थाने शिरः कृत्वा यः संविशेत्।। 13-194-10 तरक्षोर्व्याघ्रस्य। गिरिकच्छपःक पर्वतदरीशायी स्थलकूर्मः।।
| अनुशासनपर्व-193 | पुटाग्रे अल्लिखितम्। | अनुशासनपर्व-195 |