महाभारतम्-07-द्रोणपर्व-064
| ← द्रोणपर्व-063 | महाभारतम् सप्तमपर्व महाभारतम्-07-द्रोणपर्व-064 वेदव्यासः |
द्रोणपर्व-065 → |
|
नारदेन सृञ्जयम्प्रत्यम्बरीषविभवाभिधानम्।। 1 ।।
| नारद उवाच। | 5-64-1x |
|
नाभागमम्बरीषं च मृतं सृञ्जय शुश्रुम। यः सहस्रं सहस्राणां राज्ञां चैकस्त्वयोधयत्।। | 5-64-1a 5-64-1b |
|
जिगीषमाणाः सङ्ग्रामे समन्ताद्वैरिणोऽभ्ययुः। अस्त्रयुद्धविदो घोराः सृजन्तश्चाशिवा गिरः।। | 5-64-2a 5-64-2b |
|
बललाघवशिक्षाभिस्तेषां सोऽस्त्रबलेन च। छत्रायुधध्वजरथांश्छित्त्वा प्रासान्गतव्यथः।। | 5-64-3a 5-64-3b |
|
त एनं मुक्तसन्नाहाः प्रार्थयञ्जीवितैषिणः। शरण्यमीयुः शरणं तव स्म इति वादिनः।। | 5-64-4a 5-64-4b |
|
स तु तान्वशगान्कृत्वा जित्वा चेमां वसुन्धराम्। ईजे यज्ञशतैरिष्टैर्यथा शक्रस्तथाऽनघः।। | 5-64-5a 5-64-5b |
|
बुभुजुः सर्वसम्पन्नमन्नमन्ये जनाः सदा। तस्मिन्यज्ञे तु विप्रेन्द्राः सन्तृप्ताः परमार्चिताः।। | 5-64-6a 5-64-6b |
|
मोदकान्पूरिकापूपान्स्वादुपूर्णाश्च शष्कुलीः। करम्भान्पृथुमृद्वीका अन्नानि सुकृतानि च।। | 5-64-7a 5-64-7b |
|
सूपान्मैरेयकापूपान्रागषाडवपानकान्। मृष्टान्नानि सुयुक्तानि मृदूनि सुरभीणि च।। | 5-64-8a 5-64-8b |
|
घृतं मधु पयस्तोयं दधीनि रसवन्ति च। फलं मूलं सुस्वादु द्विजास्तत्रोपभुञ्जते।। | 5-64-9a 5-64-9b |
|
मदनीयानि पापानि विदित्वा चात्मनः सुखम्। अपिबन्त यथाकामं पानपा गीतवादितैः।। | 5-64-10a 5-64-10b |
|
तत्र स्म गाथा गायन्ति क्षीबा हृष्टाः पठन्ति च। नाभागस्तुतिसंयुक्ता ननृतुश्च सहस्रशः।। | 5-64-11a 5-64-11b |
|
तेषु यज्ञेष्वम्बरीषो दक्षिणामत्यकालयत्। राज्ञां शतसहस्राणि दशप्रयुतयाजिनाम्।। | 5-64-12a 5-64-12b |
|
हिरण्यकवचान्सर्वाञ्श्वेतच्छत्रप्रकीर्णकान्। हिरण्यस्यन्दनारूढान्सानुयात्रपरिच्छादान्।। | 5-64-13a 5-64-13b |
|
ईजानो वितते यज्ञे दक्षिणामत्यकालयत्। मूर्धाभिषिक्तांश्च नृपान्राजपुत्रशतानि च।। | 5-64-14a 5-64-14b |
|
स दण्डकोशनिचयान्ब्राह्मणेभ्यो ह्यमन्यत। नैवं पूर्वे जनाश्चक्रुर्न करिष्यन्ति चापरे।। | 5-64-15a 5-64-15b |
|
यदम्बरीषो नृपतिः करोत्यमितदक्षिणः। इत्येवमनुमोदन्ते प्रीता यस्य महर्षयः।। | 5-64-16a 5-64-16b |
|
स चेन्ममार सृञ्जय चतुर्भद्रतरस्त्वया। पुत्रात्पुण्यतरस्तुभ्यं मा पुत्रमनुतप्यथाः। अयज्वानमदक्षिण्यमभि श्वैत्येत्युदाहरत्।। | 5-64-17a 5-64-17b 5-64-17c |
|
।। इति श्रीमन्महाभारते द्रोणपर्वणि अभिमन्युवधपर्वणि षोडशराजकीये चतुःषष्टितमोऽध्यायः।। 64 ।। |
5-64-8 सूपाद्योरण्डकान्यूषान् इति क.ङ.पाठः।। 5-64-10 मादनीयानि मदकराणि सुरादीनि। पापानि पापहेतूनीति ज्ञात्वापि सुखलिप्सवः पिबन्तीत्यर्थः। मदनीयानि पानानि विदंशानात्मनः प्रियान्। पपुस्तत्र यथाकामं पानपा(का) गीतकाः परम् इति क.पाठः)।। 5-64-12 अत्यकालयद्दातुं निष्कासितवान्। जिता राजान् एव सोपस्करदक्षिणात्वेन दत्ताः। तेषां राज्यानि ते राजानश्च ब्राह्मणसात्कृता इत्यर्थः।। 5-64-64 चतुःषष्ठितमोऽध्यायः।।
| द्रोणपर्व-063 | पुटाग्रे अल्लिखितम्। | द्रोणपर्व-065 |