महाभारतम्-14-आश्वमेधिकपर्व-058

by वेदव्यासः

← आश्वमेधिकपर्व-057

महाभारतम् चतुर्दशपर्व महाभारतम्-14-आश्वमेधिकपर्व-058 वेदव्यासः

आश्वमेधिकपर्व-059 →

महाभारतम्/आश्वमेधिकपर्व

1. 001
2. 002
3. 003
4. 004
5. 005
6. 006
7. 007
8. 008
9. 009
10. 010
11. 011
12. 012
13. 013
14. 014
15. 015
16. 016
17. 017
18. 018
19. 019
20. 020
21. 021
22. 022
23. 023
24. 024
25. 025
26. 026
27. 027
28. 028
29. 029
30. 030
31. 031
32. 032
33. 033
34. 034
35. 035
36. 036
37. 037
38. 038
39. 039
40. 040
41. 041
42. 042
43. 043
44. 044
45. 045
46. 046
47. 047
48. 048
49. 049
50. 050
51. 051
52. 052
53. 053
54. 054
55. 055
56. 056
57. 057
58. 058
59. 059
60. 060
61. 061
62. 062
63. 063
64. 064
65. 065
66. 066
67. 067
68. 068
69. 069
70. 070
71. 071
72. 072
73. 073
74. 074
75. 075
76. 076
77. 077
78. 078
79. 079
80. 080
81. 081
82. 082
83. 083
84. 084
85. 085
86. 086
87. 087
88. 088
89. 089
90. 090
91. 091
92. 092
93. 093
94. 094
95. 095
96. 096
97. 097
98. 098
99. 099
100. 100
101. 101
102. 102
103. 103
104. 104
105. 105
106. 106
107. 107
108. 108
109. 109
110. 110
111. 111
112. 112
113. 113
114. 114
115. 115
116. 116
117. 117
118. 118

उदङ्केनाभिज्ञाननिवेदनेनि मदयन्तीतः कुण्डलग्रहणपूर्वकं प्रतिनिवर्तनम्।। 1 ।। मध्येमार्गं क्षुधाविष्टेन तेन बिल्वतरुमारुह्य शाखायां कुण्डलासञ्जनपूर्वकं फलपातनाय शाखाचालनम्।। 2 ।। तत्र पतत्फलघट्टनेन कुण्डलयोरधःपतने केनचिदुरगवरेण तदपहृत्य नागलोकगमनम्।। 3 ।। तत इन्द्रसाहाय्याद्भूविदारणेन नागलोकंगतेनोदङ्केन तत्राश्ववचसा तदपानदेशधमने तन्निर्गतधूमपटलनिरुद्धैः सर्पैरुदङ्काय कुण्डलप्रत्यर्पणम्।। 4 ।। तत उदङ्केन गुरुपत्न्यै कुण्डलप्रदानम्।। 5 ।।

वैशम्पायन उवाच।	14-58-1x
स मित्रसहमासाद्य अभिज्ञानमयाचत। तस्मै ददावभिज्ञानं स चेक्ष्वाकुवरस्तदा।।	14-58-1a 14-58-1b
सौदास उवाच।	14-58-2x
न चैवैषा गतिः क्षेम्या न चान्या विद्यते गतिः। एतन्मे तत्वमाज्ञाय प्रयच्छ मणिकुण्डले।।	14-58-2a 14-58-2b
इत्युक्तस्तामुदङ्कस्तु भर्तुर्वाक्यमथाब्रवीत्। श्रुत्वा च सा तदा प्रादात्ततस्ते मणिकुण्डले।।	14-58-3a 14-58-3b
अवाप्य कुण्डले ते तु राजानं पुनरब्रवीत्। किमेतद्गुह्यवचनं श्रोतुमिच्छामि पार्थिव।।	14-58-4a 14-58-4b
सौदास उवाच।	14-58-5x
प्रजाविसर्गाद्विप्रान्वै क्षत्रियाः पूजयन्ति ह। विप्रेभ्यश्चापि बहवो दोषाः प्रादुर्भवन्ति नः।।	14-58-5a 14-58-5b
सोहं द्विजेभ्यः प्रणतो विप्राद्दोषमवाप्तवान्। गतिमन्यां न पश्यामि मदयन्तीसहायवान्।।	14-58-6a 14-58-6b
न चान्यामपि पश्यामि गतिं गतिमतांवर। स्वर्गद्वारस्य गमने स्थाने चेह द्विजोत्तम।।	14-58-7a 14-58-7b
न हि राज्ञा विशेषेण विरुद्धेन द्विजातिभिः। शक्यं हि लोके स्थातुं वै प्रेत्य वा सुखमेधितुम्।।	14-58-8a 14-58-8b
तदिष्टे ते मया दत्ते एते स्वे मणिकुण्डले। यः कृतस्तेऽद्य समयः सफलं तं कुरुष्य मे।।	14-58-9a 14-58-9b
उदङ्क उवाच।	14-58-10x
राजंस्तथेह कर्तास्मि पुनरेष्यामि ते वशम्। प्रश्नं च कञ्चित्प्रष्टुं त्वां व्यवसिष्ये परंतप।।	14-58-10a 14-58-10b
सौदास उवाच।	14-58-11x
ब्रूहि विप्र यथाकामं प्रतिवक्तास्मि ते वचः। छेत्तास्मि संशयं तेऽद्य न मेऽत्राश्ति विचारणा।।	14-58-11a 14-58-11b
उदङ्क उवाच।	14-58-12x
प्राहुर्वाक्संयतं विप्रं धर्मनैपुणदर्शिनः। मित्रेषु यश्च विषमः स्तेन इत्येव तं विदुः।।	14-58-12a 14-58-12b
स बवान्मित्रतामद्य सम्प्राप्तो मम पार्थिव। स मे बुद्धिं प्रयच्छस्व सम्मतां पुरुषर्षभ।।	14-58-13a 14-58-13b
अवाप्तार्थोऽहमद्येह भवांश्च पुरुषादकः। भवत्सकाशमागन्तुं क्षमं मम न वेति वै।।	14-58-14a 14-58-14b
सौदास उवाच।	14-58-15x
क्षमं चेदिह वक्तव्यं मया द्विजवरोत्तम। मत्समीपं द्विजश्रेष्ट नागन्तव्यं कथञ्चन।।	14-58-15a 14-58-15b
एवं तव प्रपश्यामि श्रेयो भृगुकुलोद्वह। आगच्छतो हि ते विप्रि भवेन्मृर्त्युन संशयः।।	14-58-16a 14-58-16b
वैशम्पायन उवाच।	14-58-17x
इत्युक्तः स तदा राजा क्षमं बुद्धिमता हितम्। अनुज्ञाप्य स राजानमहल्यां प्रति जग्मिवान्।।	14-58-17a 14-58-17b
गृहीत्वा कुण्डले दिव्ये गुरुपत्न्याः प्रियंकरः। जवेन महता प्रायाद्गौतमस्याश्रमं प्रति।।	14-58-18a 14-58-18b
यथा तयो रक्षणं च मदयन्त्याऽभिभाषितम्। तथा ते कुण्डले बध्वा तदा कृष्णाजिनेऽनयत्।।	14-58-19a 14-58-19b
स कस्मिंश्चित्क्षुधाविष्टः फलभारसमन्वितम्। बिल्वं ददर्श विप्रर्षिरारुरोह च तं ततः।।	14-58-20a 14-58-20b
शाखास्वासज्य तस्यैव कृष्णाजिनमरिंदम। पातयामास बिल्वानि तदा स द्विजपुङ्गवः।।	14-58-21a 14-58-21b
अथ पातयमानस्य बिल्वापहृतचक्षुषः। न्यपतंस्तानि बिल्वानि तस्मिन्नेवाजिने विभो।।	14-58-22a 14-58-22b
यस्मिंस्ते कुण्डले बद्धे तदा द्विजवरेण वै। बिल्वप्रहारैस्तस्याथ व्यशीर्यद्बन्धनं ततः।।	14-58-23a 14-58-23b
सकुण्डलं तदजिनं पपात सहसा तरोः। विशीर्णबन्धने तस्मिन्गते कृष्णाजिने महीम्।।	14-58-24a 14-58-24b
अपश्यद्भुजगः कश्चित्ते तत्र मणिकुण्डले। ऐरावतकुलोद्भूतः शीघ्रो भूत्वा तदा हि सः।।	14-58-25a 14-58-25b
विदश्यास्येन वल्मीकं विवेशाथ स कुण्डले। ह्रियमाणे तु दृष्ट्वा स कुण्डले भुजगेन ह।।	14-58-26a 14-58-26b
पपात वृक्षात्सोद्वेगो दुःखात्परमकोपनः। स दण्डकाष्ठमादाय वल्मीकमखनत्तदा।।	14-58-27a 14-58-27b
[अहानि त्रिंशदव्यग्रः पञ्च चान्यानि भारत।] क्रोधामर्षाभिसंतप्तस्तदा ब्राह्मणिसत्तमः।।	14-58-28a 14-58-28b
तस्य वेगमसह्यं तमसहन्ती वसुन्धरा। दण्डकाष्ठाभिनुन्नाङ्गी चचाल भृशमाकुला। ततः खनत एवाथ विप्रर्षेर्धरणीतलम् नागलोकस्य पन्थानं कर्तुकामस्य निश्चयात्।।	14-58-29a 14-58-29b 14-58-29c 14-58-29d
रथेन हरियुक्तेन तं देशमुपजग्मिवान्। वज्रपाणिर्महातेजास्तं ददर्श द्विजोत्तमम्।।	14-58-30a 14-58-30b
वैशम्पायन उवाच।	14-58-31x
स तु तं ब्राह्मणो भूत्वा तस्य दुःखेन दुःखितः। उदङ्कमब्रवीद्वाक्यं नैतच्छक्यं त्वयेति वै।।	14-58-31a 14-58-31b
इतो हि नागलोको वै योजनानि सहस्रशः। न दण्डकाष्ठसाध्यं च मन्ये कार्यमिदं तव।।	14-58-32a 14-58-32b
उदङ्क उवाच।	14-58-33x
नागलोके यदि ब्रह्मन्न शक्ये कुण्डले मया। प्राप्तुं प्राणान्विमोक्ष्यामि पश्यतस्ते द्विजोत्तम।।	14-58-33a 14-58-33b
वैशम्पायन उवाच।	14-58-34x
यदा स नाशकत्तस्य निश्चयं कर्तुमन्यथा। वज्रपाणिस्तदा दण्डं वज्रास्त्रेण युयोज ह।।	14-58-34a 14-58-34b
ततो वज्रप्रहारैस्तैर्दार्यमाणा वसुन्धर। नागलोकस्य पन्थानमकरोज्जनमेजय।।	14-58-35a 14-58-35b
स तेन मार्गेण तदा नागलोकं विवेश ह। ददर्श नागलोकं च योजनानि सहस्रशः।।	14-58-36a 14-58-36b
प्रकारनिचयैर्दिव्यैर्मणिमुक्तास्वलङ्कृतैः। उपपन्नं महाभाग शातकुम्भमयैस्तथा।।	14-58-37a 14-58-37b
वापीः स्फटिकसोपाना नदीस्च विमलोदकाः। ददर्श वृक्षांश्च बहून्नानाद्विजगणायुतान्।।	14-58-38a 14-58-38b
तस्य लोकस्य च द्वारं स ददर्श भृगूद्वहः। पञ्चयोजनविस्तारमायतं शतयोजनम्।।	14-58-39a 14-58-39b
नागलोकमुदङ्कस्तु प्रेक्ष्य दीनोऽभवत्तदा। निराशश्चाभवत्तत्र कुण्डलाहरणे पुनः।।	14-58-40a 14-58-40b
तत्र प्रोवाच तुरगस्तं कृष्णश्वेतवालधिः। ताम्रास्यनेत्रः कौरव्यः प्रज्वलन्निव तेजसा।।	14-58-41a 14-58-41b
धमस्वापानमेतन्मे ततस्त्वं विप्र लप्स्यसे। ऐरावतसुतेनेहि तव्रानीते हि कुण्डले।।	14-58-42a 14-58-42b
मा जुगुप्सां कृथाः पुत्र त्वमत्रार्थे कथञ्चन।। त्वयैतद्धि समाचीर्णं गौतमस्याश्रमे तदा।।	14-58-43a 14-58-43b
उदङ्ग उवाच।	14-58-44x
कथं भवन्तं जानीयामुपाध्यायाश्रमं प्रति। यन्मया चीर्णपूर्वं हि श्रोतुमिच्छामि तद्ध्यहम्।।	14-58-44a 14-58-44b
अश्व उवाच।	14-58-45x
गुरोर्गुरु मां जानीहि ज्वलन्तं जातवेदसम्। त्वया ह्यहं सदा विप्र गुरोरर्थेऽभिपूजितः।।	14-58-45a 14-58-45b
विधिवत्सततं विप्र शुचिना भृगुनन्दन। तस्माच्छ्रेयो विधास्यामि तवैवं कुरु माचिरम्।।	14-58-46a 14-58-46b
इत्युक्तस्तु तथाऽकार्षीदुदङ्कश्चित्रभानुना। ताम्रार्चिः प्रीतिमांश्चापि प्रजज्वाल दिधक्षया।।	14-58-47a 14-58-47b
ततोऽस्य रोमकूपेभ्यो ध्मायमानस्य भारत। घनः प्रादुरभूद्धूमो नागलोकभयावहः।।	14-58-48a 14-58-48b
तेन धूमेन महता वर्धमानेन भारत। नागलोके महाराज न प्राज्ञायत किञ्चन।।	14-58-49a 14-58-49b
हाहाकृतमभूत्सर्वमैरावतिनिवेशनम्। वासुकिप्रमुखानां च नागानां जनमेजय।।	14-58-50a 14-58-50b
न प्राकाशन्त वेश्मानि धूमरुद्धानि भारत। नीहारसंवृतानीव वनानि गिरयस्तथा।।	14-58-51a 14-58-51b
ते धूमरक्तनयना वह्नितेजोभितापिताः। आजग्मुर्निश्चयं ज्ञातुं भार्गवस्य महात्मनः।।	14-58-52a 14-58-52b
श्रुत्वा च निश्चयं तस्य महर्षेरतितेजसः। सम्भ्रान्तनयनाः सर्वे पूजां चक्रुर्यथाविधि।।	14-58-53a 14-58-53b
सर्वे प्राञ्जलयो नागा वृद्धबालपुरोगमाः। शिरोभिः प्रणिपत्योचुः प्रसीद भगवन्निति।।	14-58-54a 14-58-54b
प्रसाद्य ब्राह्मणं ते तु पाद्यमर्घ्यं निवेद्य च। प्रायच्छन्कुण्डले दिव्ये पन्नगाः परमार्चिते।।	14-58-55a 14-58-55b
ततः स पूजितो नागैस्तदोदङ्कः प्रतापवान्। अग्निं प्रदक्षिणं कृत्वा जगाम गुरुसद्म तत्।।	14-58-56a 14-58-56b
स गत्वा त्वरितो राजन्गौतमस्य निवेशनम्। प्रायच्छत्कुण्डले दिव्ये गुरुपत्न्यास्तदाऽनघ।।	14-58-57a 14-58-57b
वासुकिप्रमुकानां च नागानां जनमेजय। सर्वं शशंस गुरेव यथावद्द्विजसत्तमः।।	14-58-58a 14-58-58b
एवं महात्मना तेन त्रींलोकाञ्जनमेजय। परिक्रम्याहृते दिव्ये ततस्ते मणिकुण्डले।।	14-58-59a 14-58-59b
एवंप्रभावः स मुनिरुदङ्को भरतर्षभ। परेण तपसा युक्तो यन्मां त्वं परिपृच्छसि।	14-58-60a 14-58-60b
।। इति श्रीमन्महाभारते आश्वमेधिकपर्वणि अनुगीतापर्वणि अष्टपञ्चासोऽध्यायः।। 58 ।।

14-58-1 मित्रसहः सौदासः अभिज्ञानं श्लोकरूपं ज्ञापकम्। 14-58-2 एषा रक्षोयोनिरूपा। अन्या इतो मुक्तिरूपा।। 14-58-10 ततोदंकाय वै प्रादात्तस्मै ते मणिकुण्डले इति क.ट.थ.पाठः।। 14-58-12 निवृत्तिस्मि परं तपेति झ.पाठः।। 14-58-16 प्राप्तवान्सङ्गतिं मित्रं धर्मनैपुण्यदर्शनादिति क.ट.थ.पाठः।। 14-58-16 तत्रैव तु प्रवक्ष्यामि श्रेयो भृगुकुलोद्वहेति क.ट.थ.पाठः।। 14-58-26 आस्येन कुण्डले विदश्य धृत्वा वल्मीकं विवेशेति सम्बन्धः।।

आश्वमेधिकपर्व-057

पुटाग्रे अल्लिखितम्।

आश्वमेधिकपर्व-059