महाभारतम्-14-आश्वमेधिकपर्व-096

by वेदव्यासः

← आश्वमेधिकपर्व-095

महाभारतम् चतुर्दशपर्व महाभारतम्-14-आश्वमेधिकपर्व-096 वेदव्यासः

आश्वमेधिकपर्व-097 →

महाभारतम्/आश्वमेधिकपर्व

1. 001
2. 002
3. 003
4. 004
5. 005
6. 006
7. 007
8. 008
9. 009
10. 010
11. 011
12. 012
13. 013
14. 014
15. 015
16. 016
17. 017
18. 018
19. 019
20. 020
21. 021
22. 022
23. 023
24. 024
25. 025
26. 026
27. 027
28. 028
29. 029
30. 030
31. 031
32. 032
33. 033
34. 034
35. 035
36. 036
37. 037
38. 038
39. 039
40. 040
41. 041
42. 042
43. 043
44. 044
45. 045
46. 046
47. 047
48. 048
49. 049
50. 050
51. 051
52. 052
53. 053
54. 054
55. 055
56. 056
57. 057
58. 058
59. 059
60. 060
61. 061
62. 062
63. 063
64. 064
65. 065
66. 066
67. 067
68. 068
69. 069
70. 070
71. 071
72. 072
73. 073
74. 074
75. 075
76. 076
77. 077
78. 078
79. 079
80. 080
81. 081
82. 082
83. 083
84. 084
85. 085
86. 086
87. 087
88. 088
89. 089
90. 090
91. 091
92. 092
93. 093
94. 094
95. 095
96. 096
97. 097
98. 098
99. 099
100. 100
101. 101
102. 102
103. 103
104. 104
105. 105
106. 106
107. 107
108. 108
109. 109
110. 110
111. 111
112. 112
113. 113
114. 114
115. 115
116. 116
117. 117
118. 118

युधिष्ठिरेण कृष्णंप्रति वैष्णवधर्मप्रशंसनपूर्वकं तत्कथनप्रार्थना।। 1 ।। वसिष्ठादिभिस्तच्छुश्रूषया तत्समीपोपसर्पणम्।। 2 ।। कृष्णेन युधिष्ठिरादीन्प्रति वैष्णवधर्मप्रशंसनपूर्वकं स्वमहिमानुबोधनम्।। 3 ।।

जनमेजय उवाच।	14-96-1x
अश्वमेधे पुरावृत्ते केशवं केशिसूदनम्। धर्मसंशयमुद्दिश्य किमपृच्छत्पितामहः।।	14-96-1a 14-96-1b
वैशम्पायन उवाच।	14-96-2x
पश्चिमेनाश्वमेधेन यदा स्नातो युधिष्ठिरः। तदा राजा नमस्कृत्य केशवं पुनरब्रवीत्।।	14-96-2a 14-96-2b
भववन्वैष्णवा धर्माः किंफलाः किंपरायणाः। किं धर्ममधिकृत्याथ भवतोत्पादिताः पुरा।।	14-96-3a 14-96-3b
यदि तेहमनुग्राह्यः प्रियोस्मि मधुसूदन। श्रोतव्या यदि मे कृष्ण तन्मे कथय सुव्रत।।	14-96-4a 14-96-4b
पवित्रा किल ते धर्माः सर्वपापप्रणाशनाः। सर्वधर्मोत्तमाः पुण्या भगवंस्त्वन्मुखोद्गताः।।	14-96-5a 14-96-5b
याञ्श्रुत्वा ब्रह्महा गोघ्नो मातृहा गुरुतल्पगः। पाकर्भेदी कृतघ्नश्च सुरापो ब्रह्मविक्रयी।।	14-96-6a 14-96-6b
मित्रविश्वासघाती च वीरहा भ्रूणहा तथा। तपोविक्रयिणश्चैव दानविक्रयिणस्तथा।।	14-96-7a 14-96-7b
आत्मविक्रमयिणो मूढा जीवेद्यश्च विकर्मभिः। पापाः शठा नैकृतिका डांभिका दूषकास्तथा।।	14-96-8a 14-96-8b
रसभेदकरा ये च ये च स्युर्ब्रह्मघातकाः। शूद्रप्रेष्यकराश्चोरा विप्रा ये च पुरोहिताः।।	14-96-9a 14-96-9b
निक्षेपहारिणः स्त्रीघ्नास्तथा ये पारदारिकाः। एते चान्ये च पापा ये मुच्यन्तेतेऽपि किल्बिषात्।।	14-96-10a 14-96-10b
तानाचक्ष्व सुरश्रेष्ठ त्वद्भक्तस्य ममाच्युत।।	14-96-11a
वैशंपायन उवाच।	14-96-12x
इत्येवं कथिते देवे धर्मपुत्रेण संसदि। वसिष्ठाद्यास्तपोयुक्ता मुनयस्तत्वदर्शिनः।।	14-96-12a 14-96-12b
श्रोतुकामाः परं गुह्यं वैष्णवं धर्ममुत्तमम्। तथा भागवताश्चैव ततस्तं पर्यवारयन्।।	14-96-13a 14-96-13b
युधिष्ठिर उवाच।	14-96-14x
तत्वतस्तव भावेन पादमूलमुपागतम्। यदि जानासि मां भक्तं स्निग्धं वा भक्तवत्सल।।	14-96-14a 14-96-14b
धर्मगुह्यानि सर्वाणि वेत्तुमिच्छामि तत्वतः। धर्मान्कथय मे देव यद्यनुग्रहभागहम्।।	14-96-15a 14-96-15b
श्रुता मे मानवा धर्मा वासिष्ठाः काश्यपास्तथा। गार्गीया गौतमीयाश्च तथा गोपालकस्य च।।	14-96-16a 14-96-16b
पराशरकृताः पूर्वा मैत्रेयस्य च धीमतः। औमा माहेश्वराश्चैव नन्दिधर्माश्च पावनाः।।	14-96-17a 14-96-17b
ब्रह्मणा कथिता ये च कौमाराश्च श्रुता मया। धूमायनकृता धर्माः काण्डवैश्वानरा अपि।।	14-96-18a 14-96-18b
भार्गवा याज्ञवल्क्याश्च मार्कण्डेयकृता अपि। भारद्वाजकृता ये च बृहस्पतिकृताश्च ये।।	14-96-19a 14-96-19b
कुणेश्च कुणिबाहोश्च विश्वामित्रकृताश्च ये। सुमन्तुजैमिनिकृताः शाकुनेयास्तथैव च।।	14-96-20a 14-96-20b
पुलस्त्यपुलहोद्गीताः पावकीयास्तथैव च। अगस्त्यगीता मौद्गल्याः शाण्डिल्याः शलभायनाः।।	14-96-21a 14-96-21b
वालखिल्यकृता ये च ये च सप्तर्षिभिस्तथा। आपस्तंबकृता धर्माः शङ्खस्य लिखितस्य च।।	14-96-22a 14-96-22b
प्राजापत्यास्तथा याम्या माहेन्द्राश्च श्रुता मया। वैयाघ्रव्यासकीयाश्च विभण्डककृताश्च ये।।	14-96-23a 14-96-23b
नारदीयाः श्रुता धर्माः कापोताश्च श्रुता मया। तथा विदुरवाक्यानि भृगोरङ्गिरसस्तथा।।	14-96-24a 14-96-24b
क्रौञ्चा मृदङ्गगीताश्च सौर्या हारीतकाश्च ये। ये पिशङ्गकृताश्चापि कातपायाः सुवालकाः।।	14-96-25a 14-96-25b
उद्दालककृता धर्मा औशनस्यास्तथैव च। वैशंपायनगीताश्च ये चान्येऽप्येवमादितः।।	14-96-26a 14-96-26b
एतेभ्यः सर्वधर्मेभ्यो देव त्वन्मुखनिस्सृताः। पावनात्वात्पवित्रत्वाद्विशिष्टा इति मे मतिः।।	14-96-27a 14-96-27b
तस्माद्धि त्वां प्रपन्नस्य त्वद्भक्तस्य च केशव। युष्मदीयान्वरान्धर्मान्पुण्यान्कथय मेच्युत।।	14-96-28a 14-96-28b
वैशंपायन उवाच।	14-96-29x
एवं पृष्टस्तु धर्मज्ञो धर्मपुत्रेण केशवः। उवाच धर्मान्सूक्ष्मार्थान्धर्मपुत्रस्य हर्षितः।।	14-96-29a 14-96-29b
एवं ते यस्य कौन्तेय यत्नो धर्मेषु सुव्रत। तस्य ते दुर्लभो लोके न कश्चिदपि विद्येत।।	14-96-30a 14-96-30b
धर्मः श्रुतो वा दृष्टो वा कथितो वा कृतोपि वा। अनुमोदितो वा राजेन्द्र नयतीन्द्रपदं नरम्।।	14-96-31a 14-96-31b
धर्मः पिता च माता च धर्मो नाथः सुहृत्तथा। धर्मो भ्राता सखा चैव धर्मः स्वामी परंतप।।	14-96-32a 14-96-32b
धर्मादर्थश्च कामश्च धर्माद्भोगाः सुखानि च। धर्मार्दैश्वर्यमेवाग्र्यं धर्मात्स्वर्गगतिः परा।।	14-96-33a 14-96-33b
धर्मोयं सेवितः शुद्धस्त्रायते महतो भयात्। धर्माद्द्विजत्वं देवत्वं धर्मः पावयते नरम्।।	14-96-34a 14-96-34b
यदा च क्षीयते पापं कालेन पुरुषस्य तु। तदा संजायते बुद्धिर्धर्मं कर्तुं युधिष्ठिर।।	14-96-35a 14-96-35b
जन्मान्तरसहस्रैस्तु मनुष्यत्वं हि दुर्लभम्। तद्गत्वापीह यो धर्मं न करोति स्ववञ्चितः।।	14-96-36a 14-96-36b
कुत्सिता ये दरिद्राश्च विरूपा व्याधितास्तथा। परद्वेष्याश्च मूर्खाश्च न तैर्धर्मः कृतः पुरा।।	14-96-37a 14-96-37b
ये च दीर्घायुषः शूराः पण्डिता भोगिनस्तथा।। नीरोगा रूपसंपन्नास्तैर्धर्मः सुकृतः पुरा।।	14-96-38a 14-96-38b
एवं धर्मः कृतः शुद्धो नयते गतिमुत्तमाम्। अधर्मं सेवते यस्तु तिर्यग्योन्यां पतत्यसौ।।	14-96-39a 14-96-39b
इदं रहस्यं कौन्तेय शृणु धर्ममनुत्तमम्। कथयिष्ये परं धर्मं तव भक्तस्य पाण्डव।।	14-96-40a 14-96-40b
इष्टस्त्वमसि मेऽत्यर्थं प्रपन्नश्चापि मां सदा। परमार्थमपि ब्रूयां किं पुनर्धर्मसंहिताम्।।	14-96-41a 14-96-41b
इदं मे मानुषं जन्म कृतमात्मनि मायया। धर्मसंस्थापनार्थाय दुष्टानां नाशनाय च।।	14-96-42a 14-96-42b
मानुष्यं भावमापन्नं ये मां गृह्णन्त्यवज्ञया। संसारान्तर्हि ते मूढास्तिर्यग्योनिष्वनेकशः।।	14-96-43a 14-96-43b
ये च मां सर्वभूतस्थं पश्यन्ति ज्ञानचक्षुषा। मद्भक्तांस्तान्सदा युक्तान्मत्समीपं नयाम्यहम्।।	14-96-44a 14-96-44b
मद्भक्ता न विनश्यन्ति मद्भक्ता वीतकल्मषाः। मद्भाक्तानां तु मानुष्ये सफल जन्म पाण्डवा।।	14-96-45a 14-96-45b
अपि पापेष्वभिरता मद्भक्ताः पाण्डुनन्दन। मुच्यन्ते पातकैः सर्वैः पद्मपत्रमिवांभसा।।	14-96-46a 14-96-46b
जन्मान्तरसहस्रेषु तपसा भावितात्मनाम्। भक्तिरुत्पद्यते तात मनुष्याणां न संशयः।।	14-96-47a 14-96-47b
यच्च रूपं परं गुह्यं कूटस्तमचलं ध्रुवम्। न दृश्यते तता देवैर्मद्भक्तैर्दृश्यते यथा।।	14-96-48a 14-96-48b
अपरं यच्च मे रूपं पर्रादुर्भावेषु दृश्यते। तदर्चयन्ति सर्वार्थैः सर्वभूतानि पाण्डव।।	14-96-49a 14-96-49b
कल्पकोटिसहस्रेषु व्यतीतेष्वागते च। दर्शयामीह तद्रूपं यच्च पश्यन्ति मे सुराः।।	14-96-50a 14-96-50b
स्तित्युत्पत्त्यव्ययकरं यो मां ज्ञात्वा प्रपद्यते। अनुगृह्णाम्यहं तं वै संसारान्मोचयामि च।।	14-96-51a 14-96-51b
अहमादिर्हि देवानां सृष्टा ब्रह्मादयो मया। प्रकृतिं स्वामवष्टभ्य जगत्सर्वं सृजाम्यहम्।।	14-96-52a 14-96-52b
तमोमूलोहमव्यक्तो रजोमध्ये प्रतिष्ठितः। ऊर्ध्वं सत्त्वं विना लोभं ब्रह्मादिस्तंबपर्यतः।।	14-96-53a 14-96-53b
मूर्धानं मे विद्धि दिवं चन्द्रादित्यौ च लोचने। गावोग्निर्बाह्मणो वक्त्रं मारुतः श्वसनं च मे।।	14-96-54a 14-96-54b
दिशो मे बाहवश्चाष्टौ नक्षत्राणि च भूषणम्। अन्तरिक्षमुरो विद्धि सर्वभूतावकाशकम्। मार्गो मेघानिलाभ्यां तु यन्ममोदरमव्ययम्।।	14-96-55a 14-96-55b 14-96-55c
पृथिवीमण्डलं यद्वै द्वीपार्णवनगैर्युतम्। सर्वसंधारणोपेतं पादौ मम युधिष्ठिर।।	14-96-56a 14-96-56b
स्थितो ह्येकगुणः खेऽहं द्विगुणश्चास्मि मारुते। त्रिगुणोग्नौ स्थितोहं वै सलिले च चतुर्गुणः।।	14-96-57a 14-96-57b
शब्दाद्या ये गुणाः पञ्च महाभूतेषु पञ्चसु। तन्मात्रासंस्थितः सोहं पृथिव्यां पञ्चधास्थितः।।	14-96-58a 14-96-58b
अहं सहस्रसीर्षस्तु सहस्रवदनेक्षणः। सहस्रबाहूदरधृक्सहस्रोरुः सहस्रपात्।।	14-96-59a 14-96-59b
धृत्वोर्वीं सर्वतः सम्यगत्यतिष्ठं दशांगुलम्। सर्वभूतात्मभूतस्थः सर्वव्यापी ततोस्म्यहम्।।	14-96-60a 14-96-60b
अचिन्त्योहमनन्तोहमजरोहमजो ह्यहम्। अनाद्योऽहमवध्योहमप्रमेयोहमव्ययः।।	14-96-61a 14-96-61b
निर्गुणोहं निगूढात्मा निर्द्वन्द्वो निर्ममो नृप। निष्कलो निर्विकारोहं निदानममृतस्य तु।।	14-96-62a 14-96-62b
सुधा चाहं स्वधा चाहं स्वाहा चाहं नराधिप। तेजसा तपसा चाहं भूतग्रामं चतुर्विधम्।।	14-96-63a 14-96-63b
स्नेहपाशैर्गुणबद्ध्वा धारयाम्यात्ममायया। चातुराश्रमधर्मेहं चातुर्होत्रफलाशनः। चतुर्मूर्तिश्चतुर्यज्ञश्चतुराश्रमभावनः।।	14-96-64a 14-96-64b 14-96-64c
संहृत्याहं जगत्सर्वं कृत्वा वै गर्भमात्मनः। शयामि दिव्ययोगेन प्रलयेषु युधिष्ठिर।।	14-96-65a 14-96-65b
सहस्रयुगपर्यन्तां ब्राह्मीं रात्रिं महार्णवे। स्थित्वा सृजामि भूतानि जङ्गमानि स्थिराणि च।।	14-96-66a 14-96-66b
कल्पे कल्पे च भूतानि संहरामि सृजामि च। न च मां तानि जानन्ति मायया मोहितानि मे।।	14-96-67a 14-96-67b
मम चैवान्धकारस्य मार्गितव्यस्य नित्यशः। प्रशान्तस्येव दीपस्य गतिर्नैपोपलभ्यते।।	14-96-68a 14-96-68b
न तदस्ति क्वचिद्राजन्यत्राहं न प्रतिष्ठितः। न च तद्विद्यते भूतं मयि यन्न प्रतिष्ठितम्।।	14-96-69a 14-96-69b
यावन्मित्रं भवेद्भूतं स्थूलं सूक्ष्ममिदं जगत्। दीवभूतो ह्यहं तस्मिंस्तावन्मात्रं प्रतिष्ठितः।।	14-96-70a 14-96-70b
किंचात्र बहुनोक्तेन सत्यमेतद्ब्रवीमि ते। यद्भूतं यद्भविष्यच्च तत्सर्वमहमेव तु।।	14-96-71a 14-96-71b
मया सृष्टानि भूतानि मन्मयानि च भारत। मामेव न विजानन्ति मायया मोहितानि वै।।	14-96-72a 14-96-72b
एवं सर्वं जगदिदं सदेवासुरमानुषम्। मत्तः प्रभवते राजन्मय्येव प्रविलीयते।।	14-96-73a 14-96-73b
।। इति श्रीमन्महाभारते आश्वमेधिकपर्वणि वैष्णवधर्मपर्वणि षण्णवतितमोऽध्यायः।। 96 ।।

14-96-1x एतदारभ्यापर्वसमाप्ति विद्यमानास्त्रयोविंशत्यध्याया दाक्षिणात्यकोशेष्वेव दृश्यन्ते नत्वौत्तराहपाठे। 14-96-2 पञ्चमेनाश्वमेधेनेति ट.पाठः।। 14-96-18 शूद्रायनकृता धर्मा इति क.पाठः।। 14-96-23 वैभीतककृताश्च ये इति ट.पाठः।। 14-96-31 राजेन्द्र पुनाति ह नरं सदेति ट.पाठः।।

आश्वमेधिकपर्व-095

पुटाग्रे अल्लिखितम्।

आश्वमेधिकपर्व-097