महाभारतम्-09-शल्यपर्व-047

by वेदव्यासः

← शल्यपर्व-046

महाभारतम् नवमपर्व महाभारतम्-09-शल्यपर्व-047 वेदव्यासः

शल्यपर्व-048 →

महाभारतम्/शल्यपर्व

1. 001
2. 002
3. 003
4. 004
5. 005
6. 005ब
7. 006
8. 007
9. 008
10. 009
11. 010
12. 011
13. 012
14. 013
15. 014
16. 015
17. 016
18. 017
19. 018
20. 019
21. 020
22. 021
23. 022
24. 023
25. 024
26. 025
27. 026
28. 027
29. 028
30. 029
31. 030
32. 031
33. 032
34. 033
35. 034
36. 035
37. 036
38. 037
39. 038
40. 039
41. 040
42. 041
43. 042
44. 043
45. 044
46. 045
47. 046
48. 047
49. 048
50. 049
51. 050
52. 051
53. 052
54. 053
55. 054
56. 055
57. 056
58. 057
59. 058
60. 059
61. 060
62. 061
63. 062
64. 063
65. 064
66. 065
67. 066

कुमारमातृगणस्य नामकीर्तनम्।। 1 ।। कुमारेण तारकासुरवधः क्रौञ्चपर्वतभेदनं च।। 2 ।।

वैशम्पायन उवाच।	9-47-1x
शृणु मातृगणान्राजन्कुमारानुचरानिमान्। कीर्त्यमानान्मया वीर सपत्नगणसूदनान्।।	9-47-1a 9-47-1b
यशस्विनीनां मातॄणां शृणु नामानि भारत याभिर्वायप्तास्त्रयोलोकाः कल्याणीभिश्च भागशः।।	9-47-2a 9-47-2b
प्रभावती विशालाक्षी पालिता गोस्तानी तथा। श्रीमती बहुला चैव तथैव बहुपुत्रिका।।	9-47-3a 9-47-3b
अप्सुजाता च गोपाली बृहदम्बालिका तथा। जयावती मालतिका ध्रुवरत्ना भयङ्करी।।	9-47-4a 9-47-4b
वसुदामा च दामा च विशोका नन्दिनी तथा। एकचूडा महाचूडा चक्रनेमिश्च भारत।।	9-47-5a 9-47-5b
उत्तेजनी जयत्सेना कमलाक्ष्यथ शोभना। शत्रुञ्जया तथा चैव क्रोधना शलभी खरी।।	9-47-6a 9-47-6b
माधवी शुभवक्त्रा च तीर्थसेनिश्च भारत। गीतप्रिया च कल्याणी रुद्ररोमाऽमिताशना।।	9-47-7a 9-47-7b
मेघस्वना भोगवती सुभ्रूश्च कनकावती। अलाताक्षी वीर्यवती विद्युज्जिह्वा च भारत।।	9-47-8a 9-47-8b
पुन्नावती सुनक्षत्रा कन्दरा बहुयोजना। सन्तानिका च कौरव्य कमला च महाबला।।	9-47-9a 9-47-9b
सुदामा बहुदामा च सुप्रभा च यशस्विनी। नृत्यप्रिया च राजेन्द्र शतोलूखलमेखला।।	9-47-10a 9-47-10b
शतघण्टा शतानन्दा भगनन्दा च भाविनी। वपुष्मती चन्द्रशीता भद्रकाली च भारत।।	9-47-11a 9-47-11b
ऋक्षाम्बिका निष्कुटिका वामा चत्वरवासिनी। सुमङ्गला स्वस्तिमती बुद्धिकामा जयप्रिया।।	9-47-12a 9-47-12b
धनदा सुप्रसादा च भवदा च जलेश्वरी। एडी भेडी समेडी च वेतालजननी तथा।।	9-47-13a 9-47-13b
कण्डूतिः कालिका चैव देवमित्रा च भारत। वसुश्रीः कोटरा चैव चित्रसेना तथाऽचला।।	9-47-14a 9-47-14b
कुक्कुटिका शङ्खलिका तथा शकुनिका नृप। कुण्डारिका कौकुलिका कुम्भिकाऽथ शतोदरी।।	9-47-15a 9-47-15b
उत्क्राथिनी जलेला च महावेगा च कङ्कणा। मनोजवा कण्टकिनी प्रघसा पूतना तथा।।	9-47-16a 9-47-16b
केशयन्त्री त्रुटिर्वामा क्रोशनाऽथ तडित्प्रभा। मन्दोदरी च मुण्डी च कोटरा मेघवाहिनी।।	9-47-17a 9-47-17b
सुभगा लम्बिनी लम्बा ताम्रचूडा विकाशिनी। ऊर्ध्ववेणीधरा चैव पिङ्गाक्षी लोहमेखला।।	9-47-18a 9-47-18b
पृथुवस्त्रा मधुलिका मधुकुम्भा तथैव च। पक्षालिका मत्कुलिका जरायुर्जर्जरानना।।	9-47-19a 9-47-19b
ख्याता दहदहा चैव तथा धमधमा नृप। खण्डखण्डा च राजेन्द्र पूषणा मणिकुट्टिका।।	9-47-20a 9-47-20b
अमोघा चैव कौरव्य तथा लम्बपयोधरा। वेणुवीणाधरा चैव पिङ्गाक्षी लोहमेखला।।	9-47-21a 9-47-21b
शशोकूलमुखी कृष्णा खरजङ्घा महाजवा। शिशुमारमुखी श्वेता लोहिताक्षी विभीषणा।।	9-47-22a 9-47-22b
जटालिका कामचरी दीर्घजिह्वा बलोत्कटा। कालेहिका वामनिका मुकुटा चैव भारत।।	9-47-23a 9-47-23b
लोहिताक्षी महाकाया हरिपिण्डा च भूमिप। एकत्वचा सुकुसुमा कृष्णकर्णी च भारत।।	9-47-24a 9-47-24b
क्षुरकर्णी चतुष्कर्णी कर्णप्रावरणा तथा। चतुष्पथनिकेता च गोकर्णी महिषानना।।	9-47-25a 9-47-25b
खरकर्णी महाकर्णी भेरीस्वनमहास्वना। शङ्खकुम्भश्रवाश्चैव भगदा च महाबला।।	9-47-26a 9-47-26b
गणा च सुगणा चैव तथा भीत्यथ कामदा। चतुष्पथरता चैव भूतितीर्थान्यगोचरी।।	9-47-27a 9-47-27b
पशुदा वित्तदा चैव सुखदा च महायशाः। पयोदा गोमहिषदा सविशाला च भारत।।	9-47-28a 9-47-28b
प्रतिष्ठा सुप्रतिष्ठा च रोचमाना सुरोचना। नौकर्णी मुखकर्णी च विशिरा मन्थिनी तथा।।	9-47-29a 9-47-29b
एकचन्द्रा मेघकर्णा मेघमाला विरोचना। एताश्चान्याश्च बहवो मातरो भरतर्षभ।।	9-47-30a 9-47-30b
कार्तिकेयानुयायिन्यो नानारूपाः सहस्रशः। दीर्घनख्यो दीर्घदन्त्यो दीर्घतुण्ड्श्च भारत।।	9-47-31a 9-47-31b
सबला मधुराश्चैव यौवनस्थाः स्वलङ्कृताः। माहात्म्येन च संयुक्ताः कामरूपधरास्तथा।।	9-47-32a 9-47-32b
निर्मासगात्र्यः श्वेताश्च तथा काञ्चनसन्निभाः। कृष्णमेघनिभाश्चान्या धूम्नाश्च भरतर्षभ।।	9-47-33a 9-47-33b
अरुणाभा महाभोगा दीर्घकेश्यः सिताम्बराः। ऊर्ध्ववेणीधराश्चैव पिङ्गाक्ष्यो लम्बमेखलाः।।	9-47-34a 9-47-34b
लम्बोदर्यो लम्बकर्णास्तथा लम्बपयोधराः। ताम्राक्ष्यस्ताम्रवर्णाश्च हर्यक्ष्यश्च तथाऽपराः।।	9-47-35a 9-47-35b
वरदाः कामचारिण्यो नित्यं प्रमुदितास्तथा। याम्या रौद्रास्तथा सौम्याः कौबेर्योऽथ महाबलाः।।	9-47-36a 9-47-36b
वारुण्योऽथ च माहेन्द्यस्तथाऽऽग्नेय्यः परन्तप। वायव्यश्चाथ कौमार्यो ब्राह्मश्च भरतर्षभ।।	9-47-37a 9-47-37b
वैष्णव्यश्च तथा सौर्यो वाराह्यश्च महाबलाः। रूपेणाप्सरसां तुल्या मनोहार्यो मनोरमाः।।	9-47-38a 9-47-38b
परपुष्टोपमा वाक्ये तथर्द्ध्या धनदोपमाः। शक्रवीर्योपमा युद्धे दीप्ता वह्निसमास्तथा।।	9-47-39a 9-47-39b
शत्रुणां विग्रहे नित्यं भयदास्ता भवन्त्युत। कामरूपधराश्चैव जवे वायुसमास्तथा।।	9-47-40a 9-47-40b
अचिन्त्यबलवीर्याश्च तथाऽचिन्त्यपराक्रमाः। वृक्षचत्वरवासिन्यश्चतुष्पथनिकेतनाः।।	9-47-41a 9-47-41b
गुहाश्मशानवासिन्यः शैलप्रस्रवणालयाः। नानाभरणधारिण्यो नानामाल्याम्बरास्तथा।।	9-47-42a 9-47-42b
नानाविचित्रवेषाश्च नानाभाषास्तथैव च। एते चान्ये च मातॄणां गणाः शत्रुभयङ्कराः।।	9-47-43a 9-47-43b
अनुजग्मुर्महात्मानं त्रिदशेन्द्रस्य सम्मते। ततः शक्त्यस्त्रमददद्भगवान्पाकशासनः।।	9-47-44a 9-47-44b
गुहाय राजशार्दूल विनाशाय सुरद्विषाम्। महास्वनां महाघण्टां द्योतमानां सितप्रभाम्।।	9-47-45a 9-47-45b
अरुणादित्यवर्णां च पताकां भरतर्षभ। ददौ पशुपतिस्तस्मै सर्वभूतमहाचमूम्।।	9-47-46a 9-47-46b
उग्रां नानाप्रहरणां तपोवीर्यबलान्विताम्। अजेयां स्वगणैर्युक्तां नाम्ना सेनां धनञ्जयाम्।।	9-47-47a 9-47-47b
रुद्रतुल्यबलैर्युक्तां योधानामयुतैस्त्रिभिः। न सा विजानाति रणात्कदाचिद्विनिवर्तितुम्।।	9-47-48a 9-47-48b
विष्णुर्ददौ वैजयन्तीं मालां बलविवर्धिनीम्। उमा ददौ विरजसी वाससी रविसप्रभे।।	9-47-49a 9-47-49b
गङ्गा कमण्डलुं दिव्यममृतोद्भवमुत्तमम्। ददौ प्रीत्या कुमाराय दण्डं चैव बृहस्पतिः।।	9-47-50a 9-47-50b
गरुडो दयितं पुत्रं मयरं चित्रबर्हिणम्। अरुणस्ताम्रचूडं च प्रददौ चरणायुधम्।।	9-47-51a 9-47-51b
छागं तु वरुणो राजा बलवीर्यसमन्वितम्। कृष्णाजिनं ततो ब्रह्मा ब्रह्मण्याय ददौ प्रभुः। समरेषु जयं चैव प्रददौ लोकभावनः।।	9-47-52a 9-47-52b 9-47-52c
सैनापत्यमनुप्राप्य स्कन्दो देवगणस्य ह। शुशुभे ज्वलितोर्चिष्मान्द्वितीय इव पावकः।।	9-47-53a 9-47-53b
ततः पारिषदैश्चैव मातृभिश्च समन्वितः। ययौ देत्यविनाशाय ह्लादयन्सुरपुङ्गवान्।।	9-47-54a 9-47-54b
सा सेना नैर्ऋती भीमा सघण्टोच्छ्रितकेतना। सभेरीशङ्खमुरजा सायुधा सपताकिनी।।	9-47-55a 9-47-55b
शारदी द्यौरिवाभाति ज्योतिर्भिरिव शोभिता।।	9-47-56a
ततो देवनिकायास्ते नानाभूतगणास्तथा। वादयामासुरव्याग्रा भेरीः शङ्खांश्च पुष्कलान्।।	9-47-57a 9-47-57b
पटहान्झर्झरांश्चैव क्रकचान्गोविषाणिकान्। आडम्बरान्गोमुखांश्च डिण्डिमांश्च महास्वनान्।।	9-47-58a 9-47-58b
तुष्टुवुस्ते कुमारं तु सर्वे देवाः सवासवाः। जगुश्च देवगन्धर्वा ननृतुश्चाप्सरोगणाः।।	9-47-59a 9-47-59b
ततः प्रीतो महासेनस्त्रिदशेभ्यो वरं ददौ। रिपून्दन्ताऽस्मि समरे ये वो वधचिकीर्षवः।।	9-47-60a 9-47-60b
प्रतिगृह्य वरं देवास्तस्माद्विबुधसत्तमात्। प्रीतात्मानो महात्मानो मेनिरे निहतान्रिपून्।।	9-47-61a 9-47-61b
सर्वेषां भूतसङ्घानां हर्षान्नादः समुत्थितः। अपूरयत लोकांस्त्रीन्वरे दत्ते महात्मना।।	9-47-62a 9-47-62b
स निर्ययौ महासेनो महत्या सेनया वृतः। वधाय युधि दैत्यानां रक्षार्थं च दिवोकसाम्।।	9-47-63a 9-47-63b
व्यवसायो जयो धर्मः सिद्धिर्लक्ष्मीर्धृतिः स्मृतिः। महासेनस्य सैन्यानामग्रे जग्मुर्नराधिप।।	9-47-64a 9-47-64b
स तया भीमया देवः शुलमुद्गरहस्तया। ज्वलितालातधारिण्या चित्राभरणवर्मया।।	9-47-65a 9-47-65b
गदामुसलनाराचशक्तितोमरहरतया। दृप्तसिंहनिनादिन्या विनद्य प्रययौ गुहः।।	9-47-66a 9-47-66b
`तं दष्ट्वा सर्वदैतेया राक्षसा दानवास्तथा। व्यद्रवन्त दिशः सर्वा भयोद्विग्नाः समन्ततः।।	9-47-67a 9-47-67b
अभ्यद्रवन्त देवास्तान्विविधायुधपाणयः। दृष्ट्वा च स ततः क्रुद्धः स्कन्दस्तेजोबलान्वितः।।	9-47-68a 9-47-68b
शक्त्यस्त्रं भगवान्भीमं पुनःपुनरवाकिरत्। आदधच्चात्मनस्तेजो हविषेद्ध इवानलः।।	9-47-69a 9-47-69b
अभ्यस्यमाने शक्त्यस्त्रे स्कन्देनामिततेजसा। उल्काज्वाला महाराज पपात वसुधातले।।	9-47-70a 9-47-70b
संहादयन्तश्च तथा निर्घाताश्चापतन्क्षिपौ। यथान्तकालसमये सुघोराः स्युस्तथा नृप।।	9-47-71a 9-47-71b
क्षिप्ता ह्येका यदा शक्तिः सुघोराऽनलसूनुना। ततः कोट्यो विनिष्पेतुः शक्तीनां भरतर्षभ।।	9-47-72a 9-47-72b
ततः प्रीतो महासेनो जघान भगवान्प्रभुः। दैत्येन्द्रं तारकं नाम महाबलपराक्रमम्।।	9-47-73a 9-47-73b
वृतं दैत्यायुतैर्वीरैर्बलिभिर्दशभिर्नृप। महिषं चाष्टभिः पद्मैर्वृतं सङ्ख्ये निजघ्निवान्।।	9-47-74a 9-47-74b
त्रिपादं चायुतशतैर्जघान दशभिर्वृतम्। हदोदरं निखर्वैश्च वृतं दशभिरीश्वरः।।	9-47-75a 9-47-75b
जघानानुचरैः सार्धं विविधायुधपाणिभिः। तथाऽकुर्वन्त विपुलं नादं वध्यत्सु शत्रुषु।।	9-47-76a 9-47-76b
कुमारानुचरा राजन्पूरयन्तो दिशो दश। ननृतुश्च ववल्गुश्च जहसुश्च मुदान्विताः।।	9-47-77a 9-47-77b
शक्त्यस्त्रस्य तु राजेन्द्र ततोऽर्चिर्भिः समन्ततः। त्रैलोक्यं त्रासितं सर्वं जृम्भमाणाभिरेव च।।	9-47-78a 9-47-78b
दग्धाः सहस्रशो दैत्या नादैः स्कन्दस्य चापरे। पताकयावधूताश्च हताः केचित्सुरद्विषः।।	9-47-79a 9-47-79b
केचिद्धण्टारवत्रस्ता निषेदुर्वसुधातले। केचित्प्रहरणैश्छिन्ना विनिष्पेतुर्गतायुषः।।	9-47-80a 9-47-80b
एवं सुरद्विषोऽनेकान्बलवानाततायिनः। जघान समरे वीरः कार्तिकेयो महाबलः।।	9-47-81a 9-47-81b
बाणो नामाथ दैतेयो बलेः पुत्रो महाबलः। क्रौञ्चं पर्वतमाश्रित्य देवसङ्घानबाधत।।	9-47-82a 9-47-82b
तमभ्ययान्महासेनः सुरशत्रुमुदारधीः। स कार्तिकेयस्य भयात्क्रौञ्चं शरणमीयिवान्।।	9-47-83a 9-47-83b
ततः क्रौञ्चं महामन्युः क्रौञ्चनादनिनादितम्। शक्त्या बिभेद भगवान्कार्तिकेयोऽग्निदत्तया।।	9-47-84a 9-47-84b
ससालस्कन्धशबलं त्रस्तवानरवारणम्। प्रोङ्कीनोद्धान्तविहगं विनिष्पतितपन्नगम्।।	9-47-85a 9-47-85b
गोलाङ्गूलर्क्षसङ्घैश्च द्रवद्भिरनुनादितम्। कुरङ्गमविनिर्घोषनिनादितवनान्तरम्।।	9-47-86a 9-47-86b
विनिष्पतद्भिः शरभैः सिंहैश्च सहसा द्रुतैः। शोच्यामपि दशां प्राप्तो रराजेव सपर्वतः।।	9-47-87a 9-47-87b
विद्याधराः समुत्पेतुस्तस्य शृङ्गनिवासिनः। किन्नराश्च समुद्विग्नाः शक्तिपातरवोद्धताः।।	9-47-88a 9-47-88b
ततो दैत्या विनिष्पेतुः शतशोऽथ सहस्रशः। प्रदीप्तात्पर्वतश्रेष्ठाद्विचित्राभरणस्रजः।।	9-47-89a 9-47-89b
तान्निजघ्नुरतिक्रम्य कुमाराजुचरा मृधे। स चैव भगवान्क्रुद्धो दैत्येन्द्रस्य सुतं तदा।।	9-47-90a 9-47-90b
सहानुजं जघानाशु वृत्रं देवपतिर्यथा। बिभेद क्रौञ्चं शक्त्या च पावकिः परवीरहा।।	9-47-91a 9-47-91b
बहुधा चैकधा चैव कृत्वाऽऽत्मानं महाबलः। शक्तिः क्षिप्ता रणे तस्य पाणिमेति पुनः पुनः।।	9-47-92a 9-47-92b
एवम्प्रभावो भगवांस्ते भूयश्च पावकिः। शौर्याद्द्विगुणयोगेन तेजसा यशसा श्रिया।।	9-47-93a 9-47-93b
क्रौञ्चस्ते विनिर्भिन्नो दैत्याश्च शतशो हताः।।	9-47-94a
ततः स भगवान्देवो निहत्य विबुधद्विषः। सभाज्यमानो विबुधैः परं हर्षमवाप ह।।	9-47-95a 9-47-95b
ततो दुन्दुभयो राजन्नेदुः शङ्खाश्च भारत। मुमुचुर्देवयोषाश्च पुष्पवर्षमनुत्तमम्। योगिनामीश्वरं देवं शतशोऽथ सहस्रशः।।	9-47-96a 9-47-96b 9-47-96c
दिव्यगन्धमुपादाय ववौ पुण्यश्च मारुतः। गन्धर्वास्तुष्टुवुश्चैनं यज्वानश्च महर्षयः।।	9-47-97a 9-47-97b
केचिदनं व्यवस्यान्ति पितामहसुतं प्रभुम्। सनत्कुमारं सर्वेषां ब्रह्मयोनिं तमग्रजम्।।	9-47-98a 9-47-98b
केचिन्महेश्वरसुतं केचित्पुत्रं विभावसोः। उमायाः कृत्तिकानां च गङ्गायाश्च वदन्त्युत।।	9-47-99a 9-47-99b
एकधा च द्विधा चैव चतुर्धा च महाबलम्। योगिनामीश्वरं देवं शतशोऽथ सहस्रशः।।	9-47-100a 9-47-100b
एतत्ते कथितं राजन्कार्तिकेयाभिषेचनम्। शृणु चैव सरस्वत्यास्तीर्थवंशस्य पुण्यताम्।।	9-47-1a 9-47-1b
बभूव तीर्थप्रवरं हतेषु सुरशत्रुषु। कुमारेण महाराज त्रिविष्टपमिवापरम्।।	9-47-2a 9-47-2b
ऐश्वर्याणि च तत्रस्थो ददावीशः पृथक्पृथक्। ददौ नैर्ऋतमुख्येभ्यस्त्रैलोक्यं पावकात्मजः।।	9-47-3a 9-47-3b
एवं स भगवांस्तस्मिंस्तीर्थे दैत्यकुलान्तकः। अभिषिक्तो महाराज देवसेनापतिः सुरैः।।	9-47-4a 9-47-4b
औशनं नाम तत्तीर्थं यत्र पूर्वमपाम्पतिः। अभिषिक्तः सुरगणैर्वरुणो भरतर्षभ।।	9-47-5a 9-47-5b
अस्मिंस्तीर्थवरे स्नात्वा स्कन्दं चाभ्यर्च्य लाङ्गली। ब्राह्मणेभ्योददौ रुक्मं वासांस्याभरणानि च।।	9-47-6a 9-47-6b
उषित्वा रजनीं तत्र माधवः परवीरहा। पूज्यतीर्थवरं तच्च स्पृष्ट्वा तोयं च लाङ्गली।।	9-47-7a 9-47-7b
हृष्टः प्रीतमनाश्चैव ह्यभवन्माधवोत्तमः। एतत्ते सर्वमाख्यातं यन्मां त्वं परिपृच्छसि।।	9-47-8a 9-47-8b
यथाऽभिषिक्तो भगवान्स्कन्दो देवैः समागतैः। `सेनानीश्च कृतो राजन्बाल एव महाबलः'।।	9-47-9a 9-47-9b
।। इति श्रीमन्महाभारते शल्यपर्वणि ह्रदप्रवेशपर्वणि सप्तचत्वारिंशोऽध्यायः।। 47 ।।

शल्यपर्व-046

पुटाग्रे अल्लिखितम्।

शल्यपर्व-048