सामवेदः/कौथुमीया/संहिता/ऊहगानम्/दशरात्रपर्व/विंशः १/कावम्

विकिस्रोतः तः
Jump to navigation Jump to search
कावम्
कावम्

अभि प्रियाणि पवते चनोहितो नामानि यह्वो अधि येषु वर्धते |
आ सूर्यस्य बृहतो बृहन्नधि रथं विष्वञ्चमरुहद्विचक्षणः ||७०० ||
ऋतस्य जिह्वा पवते मधु प्रियं वक्ता पतिर्धियो अस्या अदाभ्यः |
दधाति पुत्रः पित्रोरपीच्या३ं नाम तृतीयमधि रोचनं दिवः || ७०१ ||
अव द्युतानः कलशां अचिक्रदन्नृभिर्येमाणः कोश आ हिरण्यये |
अभी ऋतस्य दोहना अनूषताधि त्रिपृष्ठ उषसो वि राजसि || ७०२ ||



१३. कावम् ॥ कुत्सः। जगती । पवमानः सोमः।।
अभ्योवा ॥ प्रियाणिपवताइ । चनोहाइताऽ२ः । नामानियह्वोअधियाइ । षुवर्घाताऽ२इ । आसूर्यस्यबृहतो। बृहन्नाधीऽ२३ ॥ राथा३म्वाइष्वा ॥ चमरूहाऽ२३त् । वाइचाऽ३क्षाऽ५”णाऽ६५६: ॥ श्रीः ॥ ऋतोवा ॥ स्यजिह्वापवताइ । मधुप्रायाऽ२म् । वक्तापतिर्धियोअस्याः । अदाभायाऽ२ः । दधातिपुत्रᳲपित्रोः । अपीचायाऽ२३म् । नामाऽ३तार्ती ॥ यमघाइरोऽ२३ । चानाऽ३न्दाऽ५इ”वा६५६ः ॥ श्रीः ॥ अवोवा । द्युतानःकलशꣳ । अचिक्रादाऽ२त् । नृभिर्येमाणᳲकोशआ । हिरण्यायाऽ२इ । अभीऋतस्यदोहनाः । अनूषाताऽ२३॥ आधीऽ३त्राइपा ॥ ष्ठउषासोऽ२३ । वाइराऽ३ जाऽ५"साऽ६५६इ ॥ दी. २०. उत् . १६. मा. २९. पो. ॥१३॥

[सम्पाद्यताम्]

टिप्पणी