पुटमेतत् सुपुष्टितम्
७६
नवरात्रपदीपे--
अष्टमीष्विति बहुवचनं पाशबहुत्ववद् घटिकाद्यवयवपरम् । विश्वरूपेऽपि---
अष्टमीरात्रिमासाद्य पूजां गृह्णाति पार्वती ।
निशायां पूजिता देवी वैष्णवी पापनाशिनी ॥
तस्मात्सर्वप्रयत्नेन अष्टम्यां निशि पूजयेत् ।
देवीपुराणे---
कन्यासंस्थे रवावीशशुक्लाष्टम्यां प्रपूजयेत् ।
सोपवासो निशार्द्धे तु महाविभवविस्तरैः ॥
पूजां समाहरेद्देव्या महाविभवविस्तरैः।
पूजोपकरणानि ब्रह्माण्डपुराणे---
उपोषितैर्वस्त्रधूपमाल्यरत्नाऽनुलेपनैः।
दीपरत्नैस्तथा भक्ष्यैः फलैर्मूलैश्च धान्यकैः ॥
आमिषैर्विविधैः शाकैर्होमैर्नीराजनैरपि ।
अत्रोपोषितैरिति सामान्योपादानेऽपि पुत्रवद् गृहस्थव्यतिरिक्तैरिति ध्येयम् ।
उपवासं महाष्टम्यां पुत्रवान्न समाचरेत् ।
यथा तथैव पूतात्मा व्रती देवीं प्रपूजयेत् ॥
इति कालिकापुराणे पुत्रवता महाष्टम्युपवासनि-
