एतत् पृष्ठम् परिष्कृतम् अस्ति
________________
स्तुत्पत्त्यधिकारः ] पूर्वार्धे षड्विंशः पटलः । मयि ब्रह्मादयो देवा वसन्तः सन्तु पूजिताः ।
श्रुत्वैतच्छूलहस्तोऽपि प्राह वस्तुं वरं त्वया ॥ ११७ ॥
वृतोऽहं यत् ततो नासा वास्तुपोऽसि तथास्तु ते ।
वसेर्धातोर्निवासार्थादाबस त्वं वसुन्धराम् ॥ ११८ ॥
वसन्तु च त्वयि प्रीताः शतानन्दादिदेवताः । अद्यप्रभृति भूलोके देवं वान्यच्च मानुषम् ॥ ११९ ॥
कुर्वते वास्तु वासार्थं प्रथमं त्वां यजन्तु 1 पुष्पैश्च धूपदीपैश्च बलिभिश्च विलक्षणैः ॥ १२० ॥ त्वं च त्वद्देहसंस्थाश्च पूज्याः स्युर्देवताः क्रमात् । एवं मयैव विहितं कुर्वतां वास्तुपूजनम् ॥ १२१ ॥ दानवेश्मादौ वसतां सन्तु सम्पदः ।
अकृत्वा वास्तुयजनं प्रासादभवनादिकम् ॥ १२२ ॥ कृतं तदासुरं सर्वं भूयात् तत्र च यत् कृतम् ।
इति दत्त्वा वरं देवः शुक्रवास्तुपयोः पृथक् ॥ १२३ ।. वस्तुं देवान् नियुज्यास्मिंस्तत्रैवान्तरधीयत ।
यद्देशदिङ्मुखं श॒म्भोः प्रणतः पातितोऽसुरः ॥ १२४ ॥ शुक्रेण देवैरुषितं तदैवाभूद् विभोर्वरात् ।
तथैवाधोमुखोऽद्यापि वास्तुरीशानदिक्छिराः ।। १२५ ॥ प्रसार्य पादौ नैऋत्यामधिशेते स्म काश्यपीम् ।
१५३ इत्थं हि वास्तोष्पतिना पुरेशाल्लब्धं वरं तद् यदभूदभीष्टम् ।
इष्टो विमानादिविधावर्तस्तद्यज्ञः सुराणामपि मानवानाम् ॥ १२६३
इति श्रीमदीशान शिवगुरुदेवपद्धतौ सिद्धान्तसारे उपरिभागे क्रियापादे देशकालकर्षणशल्योद्धारवास्तूत्पत्तिविधि- पटल: षड्विंशः ।
