एतत् पृष्ठम् परिष्कृतम् अस्ति
________________
भूक्षणाधिकारः] उत्तरार्धे त्रयोविंश: पटलः । तिलकैः केतकीकुन्दैः पद्माढ्यैश्च जलाशयैः । कौबेर्यामन्विता भूमिः सुपद्मा प्राक्प्लवा भवेत् ॥ ९ ॥ अन्धेः समीपे वा नद्याः सुतीर्थसलिलाशया ।
यज्ञियैः फलवृक्षैश्च पश्चिमस्थैरलङ्कृता ॥ १० ॥
क्षेत्रैर्दक्षिणसंस्थैश्च भद्रा भूमिः सुखप्रदा ।
स्नुहिश्लेष्मातकैरर्कैः पीलुवेणुविभीतकैः ॥ ११ ॥ अन्विता सोषरा रूक्षा परुषा शर्करोपलैः । श्येनगृध्रवराहर्क्षकाकगोमायुसंकुला ॥ १२ ॥ धूम्रा नाम मही निन्द्या शोकदुःखभयावहा । न तत्र स्थापयेल्लिङ्गं न मन्त्रं साधयेदपि ॥ १३ ॥ चातुर्वर्ण्यजनस्तत्र न वासमभिरोचयेत् ।
भुजङ्गवक्रा शूलाभा मध्यनिम्ना त्रिकोणका ॥ १४ ॥
शूर्पाभा कूर्मपृष्ठाभा षडश्रा निर्जलाथवा । यमवह्निमरुद्रक्षोदिक्प्लवा नित्यकर्दमा ॥ १५ ॥ चण्डवाताहता नित्यं वामावर्तजला च या ।
दुर्गन्धा केशकीटास्थिभस्मवल्मीकदूषिता ॥ १६ ॥
सङ्कीर्णा नाम सा भूमिः सर्ववर्णैर्विगर्हिता । विप्रादिवर्णभेदेन चतुर्धा भूरथोच्यते ॥ १७ ॥ श्वेताज्यगन्धा मधुरा कुशकाशैरलङ्कृता । सौम्येशानप्लवैः स्निग्धा पलाशौदुम्बरान्विता ॥ १८ ॥ चतुरश्राकृतिः प्रोक्ता विप्रभूमिस्तु शान्तिदा ।
रक्ता रुधिरगन्धा या कषाया प्राक्लवा मही ॥ १९ ॥ साश्वत्था क्षत्रिया प्रोक्ता व्यासाष्टांशाधिकायता । पीता गोमूत्रगन्धाढ्या तिक्तावाम्लरसा च या ॥ २० ॥ प्राक्लवा लक्षवृक्षाव्या षडंशाधिकमायता । वैश्यभूमिः समुद्दिष्टा नानासस्यविभूषिता ॥ २१ ॥ २२७
