|
तथैव पशुपालकाः किमु न मङ्गलं तेनिरे |
भवदिति । भवतः कुशलकाम्ययाभ्युदयेच्छया ॥ १० ॥
इति योगमायानयनादिवर्णनम् एकोनचत्वारिंशं दशकम् ।
|
तदनु नन्दममन्दशुभास्पदं नृपपुरीं करदानकृते गतम् । |
तदन्विति । अमन्दशुभास्पदं लोकोत्तरगुणाकरं नन्दं करदानकृते यदुराजाय वार्षिकषष्ठांशदानार्थं गतं मथुरापुरीस्थो भवत्पिता वसुदेवो विदितः कंससहायजनानां पूतनातॄणावर्तादीनामुद्यमः सकलबालहननोत्साहो येन ॥ १ ॥
|
अयि सखे! तव वालकजन्म मां सुखयतेऽद्य निजात्मजजन्मवत् । |
अयीति । वसुदेवो नन्दं प्रति त्वद्नेहस्थो बालो मत्पुत्र इति नोवाच, किन्तु व्रजनायके नन्दे भवत्पितृतामारोप्य तमादराच्छशंस । स्वपुत्रवत् सावधानं रक्षितुमेतदिति ज्ञातव्यम् ॥ २ ॥
|
इह च सन्त्यनिमित्तशतानि ते कटकसीम्नि ततो लघु गम्यताम् । |
इहेति । अनिमित्तशतानि दुर्निमित्तानि । कटकसीनि व्रजे ॥ ३ ॥
नन्दस्य बजागमनात् पूर्वं ललितवेषायाः पूतनाया ब्रजप्रवेशमाह ---
|
अवसरे खलु तत्र च काचन व्रजपदे मधुराकृतिरङ्गना । |
