अस्मिन् नाशकृते शान्तिर्ग्रामस्य च शुभं भवेत् ॥
मयूरचित्रे
उदयेऽस्तमये वज्रपातो राज्ञां वधाय तु ।
तथा ।
प्रासादे भवने क्षेत्रे ग्राममध्ये तथा गिरौ ।
निर्घातश्चाशनिश्चैव पतिता यदि कर्हि चित् ॥
भयं तत्र विजानीयाच्छान्तिः साधारणी त्विह।
तथा।
यत्र वातो महावेगो महोल्कावज्रमुल्वणम् ।
तत्र वै षोडशो शान्तिर्या वाच्या परिवेषणे ॥
तथा।
प्रतोल्यां नगरद्वारे तोरणे राजवेश्मनि ।
गजगोवाजिशालासु पार्थिवानां गृहेषु च ॥
शान्तिगृहे देवगृहे राजमार्गे चतुष्पथे ।
उल्का वा यदि वा वज्रं पततश्चेत् कथञ्चन ॥
मासस्याभ्यन्तरे चैव तत्र विन्द्यान्महद्भयम् ।
राजा जनपदः पौरो भवेद्यश्च पुरोहितः ॥
द्वितीया शान्तिरत्रोक्ता विशेषस्तेष केवलः ।
त्रिषु स्थानेषु जायन्ते महोत्पाताश्च तेष्विमाम् ॥
शान्तिं कुर्याच्चरुं चास्य प्राशनं दक्षिणामपि ।
तथा।
प्राकारे नगरद्वारे तोरणे राजवेश्मनि ।
गजशालाश्वशालायां विद्युत्प्रपतनं सति ॥
विनश्यति बलाध्यक्षः प्रथमा शान्तिरत्र तु ।
तथा ।
सन्ध्ययोरुभयोरुल्कापातश्चैवाशनिध्वनिः ।