वह्नेर्बिम्बे वह्नि०वत्प्रज्वलन्तं
न्यस्त्वा बीजं मस्तके प्रस्तजन्तोः ।
ध्यात्वावेशं कारयेद्वन्धुजीवं
तज्जप्तं वा सम्यगाघ्राणनेन ॥ १२ ॥
शुक्लादिः शुक्लभाः पौष्टिकशमनविधौ कृष्टिवश्येषु रक्तो
रक्तादिः क्षोभसंस्तोभनविधिषु हकारादिको हेमवर्णः ।
धूम्रोऽङ्गामर्दनोच्चाटनविधिषु समीरादिकोऽदादिरुक्तः1
पीताभ: स्तम्भनादौ मनुरतिविमलो भुक्तिमाजामदादिः ।।
कृष्णाभः प्राणगेहस्थितमथ नयने ध्यातमान्ध्यं विधत्ते
बाधिर्ये कर्णरन्ध्रेऽर्दितमपि वदने कुक्षिगं शूलमाशु ।
मर्मस्थाने समीरं सपदि शिरस्रि वा दुःसहं शीर्षरोगं
वाग्रोधं कण्ठनालेऽवनिवृतमथ तन्मण्डले 2पीतमेतत् ॥
प्रालेयत्विषि च स्वरावृतमिदं नेत्रे स्मृतं तद्रुजं
योनौ वामदृशोऽस्त्रविस्रुतिमथो कुक्षौ च शूलं 3जपेत् ।
विस्फोटे सविषे ज्वरे तृषि प्रथा रक्तामये विभ्रमे
दाहे शीर्षगदे स्मरेद्विर्धिमिमं स्रंतृप्तये मन्त्रवित् ॥ १५॥
1. अलादिरुक्तः 2. बीजमेतत् 3. जयेत्