सामवेदः/कौथुमीया/संहिता/पूर्वार्चिकः/छन्द आर्चिकः/1.1.3 तृतीयप्रपाठकः/1.1.3.4 चतुर्थी दशतिः

अतीहि मन्युषाविणं सुषुवांसमुपेरय | अस्य रातौ सुतं पिब || २२३ ||	१अ १छ्
कदु प्रचेतसे महे वचो देवाय शस्यते | तदिध्यस्य वर्धनं || २२४ ||	२अ २छ्
उक्थं च न शस्यमानं नागो रयिरा चिकेत | न गायत्रं गीयमानं || २२५ ||	३अ ३छ्
इन्द्र उक्थेभिर्मन्दिष्ठो वाजानां च वाजपतिः | हरिवान्त्सुतानां सखा || २२६ ||	४अ ४छ्
आ याह्युप नः सुतं वाजेभिर्मा हृणीयथाः | महां इव युवजानिः || २२७ ||	५अ ५छ्
कदा वसो स्तोत्रं हर्यत आ अव श्मशा रुधद्वाः | दीर्घं सुतं वाताप्याय || २२८ ||	६अ ६छ्
ब्राह्मणादिन्द्र राधसः पिबा सोममृतूं रनु | तवेदं सख्यमस्तृतं || २२९ ||	७अ ७छ्
वयं घा ते अपि स्मसि स्तोतार इन्द्र गिर्वणः | त्वं नो जिन्व सोमपाः || २३० ||	८अ ८छ्
एन्द्र पृक्षु कासु चिन्नृम्णं तनूषु धेहि नः | सत्राजिदुग्र प्ॐस्यं || २३१ ||	९अ ९छ्
एवा ह्यसि वीरयुरेवा शूर उत स्थिरः | एवा ते राध्यं मनः || २३२ ||	१०अ १०छ्