|
तदाज्ञां कुर्वाणो हितमहितमित्येतदधुना |
( ततः प्रविशति प्रतीहार्यनु[२]गम्यमानो मलयकेतुः ।)
मलयकेतुः--([३]स्वगतम् ।) अहो, राक्षसं प्रति विकल्पबाहुल्यादाकुला मे बुद्धिर्न निश्चयमधिगच्छति । कुतः।
( प्रकाशम् ।) विजये, क भागुरायणः ।
कार्योपक्षेषणं प्रथनम् । कार्यस्य मलयकेस्वतिसंधानेन राक्षसवशीकरणस्योपक्षेपणात् ॥ ४ ॥
भक्त्या इति । नन्दन्वयालम्बिना किं मौर्येंण संधास्यते किं वा भक्तिगुणस्य मयि मया वा क्रियमाणस्य स्थैर्यं दाढ्य अधिगणयन् आधिक्येन पश्यन् सत्यसंधः सत्या संधा नन्दराज्यं सर्वं तवैवास्त्विति पूर्वं कृता प्रतिज्ञा यस्य स तथोक्तो भवेत् । नन्वंश्यत्वेन नन्दकुलानुरागजनिता भक्तिमौर्य दृढा भवितुमर्हति । सत्यसंधत्वानुरोधेन मयि च केवलो भक्तिगुणो दृढो भवितुमर्हतीत्युभयकोटिकः संशयः । तत्रापि मौर्यसंधानकोटि: प्रबलेति ध्वनयितुं चाणक्यनिराकृतेनेति विशेषणं राक्षसस्य मौर्यसाचिव्याभिलाषहेतुगर्भम् । कृतिनेति च विशेषणं लब्धदुर्लभराज्यत्वात्कृ तकृत्यः सन्पुनश्चाणक्येन जितकाशिना दुर्विधेयेन मौर्यां न संदधीतेति ध्वनयितुम् ॥ ५ ॥
