पुटमेतत् सुपुष्टितम्
496
[बालकाण्डः
सीतादीनां विवाहः
मन्त्रेति । दानीयमन्त्रोदकाभ्यां पुरस्कृतां, दानशेषतयेति शेषः ॥
उद्यतां-दातुं कृतोद्योगां । अत्र ज्येष्ठात् भरतात् पूर्वं लक्ष्मणपरिग्रहस्तु भिन्नोदरत्वात् । 'पितृव्यपुत्रे सापत्ने परनारीसुतेषु च। विवाह-दानयज्ञादौ परिवेत्त्राद्यदूषणम्' इति स्मरणाददोषः । तदपि स्वसुता-प्रदानम्, अनन्तरमेव कनिष्ठसुतयोः प्रदातव्यत्वात् ॥ २९ ॥
सुचरितव्रता इति । स्वनुष्ठितब्रह्मचर्यव्रता इत्यर्थः । पत्नीभिः सहिताः सन्त्विति योजना ॥ ३२ ॥
जनकस्य वचः श्रुत्वा पाणीन् पाणिभिरस्पृशन्
चत्वारस्ते चतसॄणां वसिष्ठस्य मते स्थिताः ॥ ३३ ॥
अग्निं प्रदक्षिणीकृत्य वेदिं राजानमेव च ।