पुटमेतत् सुपुष्टितम्
412
[बालकाण्डः
वासिष्ठादीनां शापावाप्तिः
ब्राह्मणा वा महात्मानो[१]भुक्त्वा चाण्डालभोजनम् ।
कथं स्वर्गं गमिष्यन्ति विश्वामित्रेण पालिताः ॥ १४ ॥
पालिता इति व्यङ्ग्योक्तिः ॥ १४ ॥
एतद्वचननैष्टुर्यमूचुः संरक्तलोचनाः ।
वासिष्ठा मुनिशार्दूल ! सर्वे ते समहोदयाः ॥ १५ ॥
महोदयसहिताः समहोदयाः ॥ १५ ॥
अदुष्टं मामित्यत्र हेतुः-तप उग्रं समास्थितमिति । तेषां तेजोविशेषेण प्रत्यवायो न विद्यते' इति न्यायेन चण्डालयाजनमपि मम जीर्यतीत्यविज्ञाय दूषयन्ति यतः तस्मात् भस्मीभूता इत्यादि ।
सप्तजातिशतानीति । सप्तशतजन्मानीत्यर्थः । मृतपाः-शवभक्षकाः ॥ १८ ॥
श्वमांसनियताहारा मुष्टिका नाम निर्घृणाः ।
विकृताश्च विरूपाश्च लोकाननुचरन्त्विमान् ॥ १९ ॥
मुष्टिका नाम । मुष्टिकाख्यगणरूपाः । विकृताः-विकृतवचन-गमनादिमन्तः। विरूपाः-विकटवेषाः ॥ १९ ॥
