कामतस्त्वं प्रकृत्यैव [१]विनीतो गुणवानसि ।
गुणवत्यपि तु स्नेहात् पुत्र ! वक्ष्यामि ते हितम् ॥ ४२ ॥
कामतः-प्रकामं, अत्यर्थमिति यावत् । गुणवति सत्यपि स्नेहात्-स्नेहादेव ॥ ४२ ॥
भूय इति । विनीत एव सन् पुनश्चाभ्यधिकं विनयमास्थाय व्यसनानि त्यजेथा इति । 'स्त्रीद्यूतमृगयामद्यवाक्पारुष्योग्रदण्डताः । अर्थस्य दूषणं चेति राज्ञां व्यसनपञ्चकं' इत्युक्तानि व्यसनानि । तत्रार्थसंदूषणं नाम पित्रादिसञ्चितार्थस्य उक्तव्यसनतो नाशनम् ॥ ४३ ॥
परोक्षया वर्तमानो वृत्त्या प्रत्यक्षया यथा ।
अमात्यप्रभृतीः सर्वाः प्रकृतीथानुरञ्जय ॥ ४४ ॥
परोक्षया-चारमुखतः परोक्षानुभवसिद्धया वृत्त्या-स्वपरराष्ट्रवृत्तान्तविचारेण सह वर्तमानो भव । प्रत्यक्षया-नित्यं यथाकालमास्थानीमास्थाय स्वानुभवसिद्धयथोक्तवृत्तान्तविचारेण सह वर्तमानो भव । अमात्यप्रभृतीः सर्वाः प्रकृतीरिति । अमात्यसेनानीपुरादिरक्षिपौरजानपदसर्वप्रजा इत्यर्थः ॥ ४४ ॥
कोष्ठागारायुधागारैः कृत्वा सन्निचयान् बहून् ।
[४]तुष्टानुरक्तप्रकृतिः यः पालयति मेदिनीम् ॥ ४५ ॥