पुटमेतत् सुपुष्टितम्
५६ सर्गः]
519
तत्र ते न्यवसन् हृष्टाः क्रीडन्तः सुसुखं गिरौ
पापसंशमनं-'पञ्चसूना गृहस्थस्य' इति प्रसिद्धपापसंशमनसाधनश्रुतं बलिं–वैश्वदेवपूर्वकं बलिहरणम् । कृत्वेत्यादिः उपसंहाररूपेण वादः ॥ ३२ ॥
वेदिस्थलानां-बलिहरणवेदिस्थलानां अष्टदिग्वर्तिनां विधानानि तथा । चैत्यं-गणपत्यायतनम् । आयतनं-विष्ण्वादेः । अनुरूपाणीति । [५] सूक्ष्ममार्गेणति यावत् ॥ ३३ ॥
वन्यैर्माल्यैः फलैर्मूलैः पक्कैर्मांसैर्यथाविधि ।
अद्भिर्जपैश्च वेदोक्तैः दर्भैश्च ससमि[६]त्कुशैः ॥ ३४ ॥
तौ तर्पयित्वा भूतानि राघवौ सह सीतया ।
तदा विविशतुः शालां सुशुभां [७]शुभलक्षणौ ॥ ३५ ॥
तां वृक्षपर्णच्छदनां मनोज्ञां यथाप्रदेशं सुकृतां विवाताम् ।
वासाय सर्वे विविशुः समेताः सभां यथा देवगणाः सुधर्माम् ॥
वृक्षपर्णैः कृतं छदनं-आच्छादनं यस्याः सा तथा ॥ ३६ ॥
