पुटमेतत् सुपुष्टितम्
14
[अयोध्याकाण्डः
परिषदनुमोदनम्
स लब्धमानैर्विनयान्वितैर्नृपैः
पुरालयैर्जानपदैश्च मानवैः ।
उपोपविष्टैर्नृपतिर्वृतो बभौ
सहस्रचक्षुर्भगवानिवामरैः ॥ ५० ॥
इत्यार्षे श्रीमद्रामायणे वाल्मीकीये अयोध्याकाण्डे प्रथमः सर्गः
उपोपविष्ठटैः–सभायां स्वसमीपोपविष्टैरित्यर्थः । सहस्रचक्षुः-इन्द्रः । नाम (५०) मानः सर्गः ॥ ५० ॥
इति श्रीमद्रामायणामृतकतकटीकायां अयोध्याकाण्डे प्रथमः सर्गः
द्वितीयः सर्गः
[परिषदनुमोदनम्]
ततः परिषदं सर्वामामन्त्र्य वसुधाधिपः ।
हितमुद्धर्षणं चैवमुवाच [१]प्रथितं वचः॥ १ ॥
अथ राज्याभिषेकस्य सकलसामन्तोपेतसर्वप्रजार्थत्वात् सर्वानुमतिं संपादयति दशरथः-तत इत्यादि । आमन्त्र्य-अभिमुखीकृत्य । हितं अत एव उद्धर्षणं उत्कटहर्षजनकम् ॥ १ ॥
दुन्दुभिस्वनकल्पेन गंभीरेणानुनादिना ।
स्वरेण महता राजा जीमूत इव नादयन् ॥ २ ॥
- ↑ प्रश्रितं-ङ.
