पुटमेतत् सुपुष्टितम्
४२ सर्गः]
405
राजा तु पुत्रशोकार्तः पपात भुवि मूर्छितः
द्विचत्वारिंशस्सर्गः
[दशरथाक्रन्दः]
यावत्तु निर्यतस्तस्य रजोरूपमदृश्यत ।
नैवेक्ष्वाकुवरस्तावत् संजहारात्मचक्षुषी ॥ १ ॥
अथ दशरथस्य रामपथप्रतीक्षादिजदुःखवर्णनम्–यावदित्यादि । [१] निर्यतः-निर्गच्छत इति षष्ठी । रजोरूपं[२]रथधूलीस्वरूपम् ॥ १ ॥
यावत् प्रियं पुत्रं पश्यतीति । रथधूलीदर्शनद्वारेति शेषः । तावत् पुत्रदर्शने-तन्निमित्तं धरण्यां-भुवि अस्य देहो व्यवर्धतेव-विशेषेणाभि-वृद्धम् । उत्थाय स्थित एवाभूदित्यर्थः ॥ २ ॥
न पश्यति रजोऽप्यस्य यदा रामस्य भूमिपः ।
तदाऽऽर्तश्च विषण्णश्च पपात धरणीतले ॥ ३ ॥
रथरजसोऽप्यदर्शने तच्छरीरं पतितमभूदित्युच्यते-न पश्यतीत्यादि ॥ ३ ॥
- ↑ निर्यतः इति षष्ठी-क.
- ↑ रथ्याधूली-ट.
- ↑ पुत्रदर्शने–पुत्रदर्शननिमित्तं रजो व्यवर्धतेव । मन्निमित्तेन पुत्रदर्शनेन राजा कञ्चित्कालमप्यव्यथितो भवेदिति मध्वेव रजः व्यवर्धत-गो. ती. अथवा अस्य देहो ब्यवर्धत-पुत्रदर्शनायोत्थाय स्थितः-गो. उत्तरश्लोकदर्शने अयं पक्षः समुचितः ।
- ↑ ताबद्विवर्धते पांसुः-ङ.
- ↑ 'तस्य दक्षिणमुद्धृत्य' इति पाठः । तस्य दक्षिणं बाहुं उद्धृत्य गृहीत्वा कौसल्याऽन्वगात् । कैकेयी त्वस्य वामपार्श्वमेव केवलमन्वगात् ॥ ती.
- ↑ सा सुमध्यमा-च.
