पुटमेतत् सुपुष्टितम्
394
[अयोध्याकाण्डः
वनप्रस्थानम्
ततस्सबालवृद्धा सा पुरी परमपीडिता
राममेवाभिदुद्राव[१]घर्मार्ता सलिलं यथा ॥ २० ॥
परमपीडितेति । रामवियोगदुःखेनेति शेषः ॥ २० ॥
पार्श्वतः पृष्ठतश्चापि लम्बमानास्तदुन्मुखाः ।
बाष्पपूर्णमुखास्सर्वे तमूचुर्भृशनिस्वनाः ॥ २१ ॥
तमिति । सुमन्त्रमिति यावत् ॥ २१ ॥
देवगर्भः-देवनिधिः भगवान् हिरण्यगर्भः । तदंशत्वादेव तत्प्रतिमः, अनन्तकल्याणगुणैकतानस्वभावः ॥ २३ ॥
कृतकृत्या हि वैदेही छायेवानुगता पतिम् ।
न जहाति रता धर्मे मेरुमर्कप्रभा यथा ॥ २४ ॥
मेरुमर्कप्रभा यथेति । नित्यं तत्प्रदक्षिणसञ्चारादेव ॥ २४ ॥
अहो ! लक्ष्मण ! सिद्धार्थः सततं प्रियवादिनम् ।
भ्रातरं देवसङ्काशं यस्त्वं परिचरिष्यसि ॥ २५ ॥
यस्त्वं भ्रातरं परिचरिष्यसि, स त्वं अहो सिद्धार्थः-कृतार्थः ॥