पुटमेतत् सुपुष्टितम्
३९ सर्गः]
383
कौसल्या प्रशंशसाथ सीतां रामानुगामिनीम्
एतानि वर्षाणीति । चतुर्दशवर्षाणीति यावत् ॥ १५ ॥
नरेन्द्रेणैवमुक्तस्तु गत्वा कोशगृहं ततः ।
प्रायच्छत्सर्वमाहृत्य सीतायै [१]क्षिप्रमेव तत् ॥ १६ ॥
प्रायच्छदिति । कोशाध्यक्ष इति शेषः ॥ १६ ॥
सा सुजाता सुजातानि वैदेही प्रस्थिता वनम् ।
भूषयामास गात्राणि तैर्विचित्रैर्विभूषणैः ॥ १७ ॥
सुजातानि गात्राणीति योजना ॥ १७ ॥
व्यराजयत वैदेही वेश्म तत्सुविभूषिता ।
उद्यतोंऽशुमतः काले खं प्रभेव विवस्वतः ॥ १८ ॥
उद्यत इति षष्ठी । काले-प्रातःकाले । प्रमेव स्थितां तामिति योजना[२] ॥ १८ ॥
अत्याचरन्तीं-शुश्रूषमाणां । भर्तारमिति शेषः ॥ १९ ॥
असत्यः सर्वलोकेऽस्मिन् सततं सत्कृताः प्रियैः ।
भर्तारं नानुमन्यन्ते विनिपातगतं स्त्रियः ॥ २० ॥
असत्यः-कुलटाः प्रियैस्सततं सत्कृता अपि विनिपातगतं-कृच्छ्रगतं तं भर्तारं शुश्रूषितुं नानुमन्यन्ते ॥ २० ॥
