पुटमेतत् सुपुष्टितम्
312
[अयोध्याकाण्डः
सीतावनानुगमनाभ्यनुज्ञा
यत्र त्रयमिति । पितृमातृगुरुरूपामति यावत् ॥ ३४ ॥
न सत्यं दान मानौ वा न यज्ञाश्चाप्तदक्षिणाः ।
तथा बलकराः, सीते ! यथा सेवा पितुर्हिता ॥ ३५ ॥
बलकराः-परलोकबलकरा इति यावत् । हिता-हितावहा पितुस्सेवा यथा न तथेति व्यतिरेके ॥ ३५ ॥
स्वर्गो धनं वा धान्यं वा विद्याः पुत्रास्सुखानि च ।
[३]गुरुवृत्त्यनुरोधेन न किश्चिदपि दुर्लभम् ॥ ३६ ॥
गुरुवृत्तिः-गुरूचितवृत्तिः ॥ ३६॥
देवगन्धर्वगोलोकान् ब्रह्मलोकांस्तथा'[४]परान् ।
प्राप्नुवन्ति महात्मानो मातापितृपरायणाः ॥ ३७ ॥
गवां लोकाः-गोलोकाः ॥ ३७ ॥
[५]स मा पिता यथा शास्ति सत्यधर्मपथे स्थितः ।
तथा वर्तितुमिच्छामि स हि धर्मस्सनातनः ॥ ३८ ॥
मा-मामिति यावत् ॥ ३८ ॥
- ↑ यत्र पित्राराधने सति त्रयं धर्मार्थकामरूपं भवति त्रयो लोकाश्च साधिता भवन्ति तत्समं पवित्रं भुवि नास्ति-ति. यत्त्रयं तत्त्रयो लोकाः यत्-गुर्वादित्रयं तत् त्रयो लोकाः । लोकत्रयमपि तदाराधनसाध्यमित्यर्थः-गो.
- ↑ यत्त्रयं तत्त्रयो लोकाः-ङ,
- ↑ मानः-देवपूजा । आप्तदक्षिणाः-इष्टदक्षिणाः-यथेष्टदक्षिणाः- सर्वस्वदक्षिणा इति यावत् । गुरौ वृत्तिः-गुरुवृत्तिः गुरुशुश्रूषेति यावत् ।
- ↑ नरः-ङ,
- ↑ स मां-ङ.