पुटमेतत् सुपुष्टितम्
194
[अयोध्याकाण्डः
वनवासनिदेशः
[४]विशल्येन-पश्चाच्छल्यापाकरणपूर्वकं रक्षितेन ॥ ३२ ॥
[५]तत्र मे याचितो राजा भरतस्याभिषेचनम् ।
गमनं दण्डकारण्ये तव चाद्यैव, राघव ! ॥ ३३ ॥
तत्र म इति । मम तयोर्वरयोः एकेनेति शेषः । अद्यैव-एतत्क्षण एवेत्यर्थः ॥ ३३ ॥
यदि सत्यप्रतिज्ञं त्वं पितरं [६]कर्तुमिच्छसि ।
आत्मानं च, नरश्रेष्ठ ! मम वाक्यमिदं शृणु ॥ ३४ ॥
आत्मानं चेति । त्वयाऽपि मदुक्तकृतेः सशपथं प्रतिज्ञातत्वादित्याशयः ॥ ३४ ॥
यथा तेन दशरथेन वरद्वयं प्रतिश्रुतं तस्मिन् पितुरनुदेशे-नियोगसंपादने तिष्ठ-व्यवस्थितो भव । अतः-त्वयेत्यादि ॥ ३५ ॥
[९]भरतश्चाभिषिच्येत यदेतदभिषेचनम् ।
त्वदर्थे विहितं राज्ञा तेन सर्वेण, राघव ! ॥ ३६॥
- ↑ देवासुरयुद्धान्तर्गते महारणे-दशरथकर्तृकावान्तरशम्बरासुरयुद्ध इत्यर्थः । तेन न पौनरुक्त्यम् । महारणे सशल्येन मया रक्षितेन ते पित्रा मम वरौ दत्तौ इत्यन्वयः.
- ↑ सशल्येन-ङ.च.
- ↑ मया रणे-ङ.
- ↑ पूर्वं सशल्येनेति शेषः
- ↑ तत्र वरप्रदाननिमित्तं-गो.
- ↑ कर्तुमर्हसि-ङ.
- ↑ सन्निदेशे-सर्वत्र.
- ↑ यदनेन-ङ.
- ↑ अभिषेचनं-अभिषेचनोपकरणं यदेतत् राज्ञा त्वदर्थे विहितं तेन सर्वेण भरतोऽभिषिच्येतेत्यन्वयः.
