पुटमेतत् सुपुष्टितम्
१० सर्गः]
95
ततो विवेश तद्वेश्म हृष्टो दशरथः स्वयम्
सा सुहृच्चार्थकामा च तं निशम्य सुनिश्चयम् ॥ ४ ॥
बभूव परमप्रीता [१]सिद्धिं प्राप्येव मन्थरा ।
यदेवमुवाच, अतः सा तन्निशम्य परमप्रीता बभूव । सिद्धिः-रस[२]साधनादिसिद्धिः ॥ ४ ॥
अथ साऽमर्पिता देवी सम्यक्कृत्वा विनिश्चयम् ॥ ५ ॥
संविवेशाबला भूमौ निवेश्य भ्रुकुटीं मुखे ।
भ्रुकुटी-क्रोधजो मुखविकारविशेषः ॥ ५ ॥
ततश्चित्राणि माल्यानि दिव्यान्याभरणानि च ॥ ६ ॥
अपविद्धानि कैकेय्या तानि भूमिं प्रपेदिरे ।
तया तान्यपविद्धानि माल्यान्याभरणानि च ॥ ७ ॥
अशोभयन्त वसुधां नक्षत्राणि यथा नभः ।
कैकेय्या अपविद्धानि-उत्सृष्टानि, यान्यपविद्धानि तानीति योजना ॥ ७ ॥
क्रोधागारे निपतिता सा बभौ मलिनाम्बरा ॥ ८ ॥
एकवेणीं दृढं बध्वा गतसत्त्वेव किन्नरी ।
गतसत्त्वा-क्षीणबला ॥ ८ ॥
आज्ञाप्य तु महाराजो राघवस्याभिषेचनम् ॥ ९ ॥
उपस्थानमनुज्ञाप्य प्रविवेश निवेशनम् ।