पुटमेतत् सुपुष्टितम्
90
[अयोध्याकाण्डः
रामप्रवासनाध्यवसायः
आह्वयमानेनेति । 'स्पर्धायामाङः' इति शानच् । द्विषज्जनविषये मुख्यां गतिं-श्रैष्ठ्यगतिमिति यावत् । गर्वयन्ती । मामकविशेषपरिग्रहजं स्थाने पातितं गर्वं कुर्वन्ती-गर्वशब्दात् तत्करोतीति प्यन्तात् शत्रादि ॥ ५१ ॥
तवापि कुब्जाः कुब्जायाः सर्वाभरणभूषिताः ।
पादौ परिचरिष्यन्ति यथैव त्वं सदा मम ॥ ५२ ॥
कुब्जायास्तवापि कुब्जाः-दास्य इति यावत् ॥ ५२ ॥
इति प्रशस्यमाना सा कैकेयीमिदमब्रवीत् ।
शयानां शयने शुभ्रे वेद्यामग्निशिखामिव ॥ ५३ ॥
वेद्यां-उत्तरवेद्याम् ॥ ५३ ॥
गतोदके सेतुबन्धो न कल्याणि ! विधीयते ।
उत्तिष्ठ कुरु कल्याणि ! राजानमनुदर्शय ॥ ५४ ॥
एवं वृथाजल्पैः कालात्ययो मास्त्विति त्वरयति-गतेत्यादिना । अभिषेके श्वो निर्वृत्ते पश्चाद्वरग्रहादिरभिमतातिरिक्तविषयत्वाद्व्यर्थः । यदेवं, अतः-उत्तिष्ठेत्यादि । [५]अनुदर्शयेति । क्रोधागारमिति शेषः ॥ ५४ ॥