पुटमेतत् सुपुष्टितम्
९ सर्गः]
87
अपरेण च याचस्व भरतस्याभिषेचनम्
अथोपदिष्टकार्यपारप्राप्तये तामेव कुब्जां मानयति-कुब्जेत्या-दिना । नावजानामीत्यत्र हेतुः-श्रेष्ठाभिधायिनीति । कुब्जानां-कुब्जत्वधर्मविशिष्टराज । [३]भुजिष्यानां मध्ये । कुब्जत्वादिकिञ्चिद्विकृता एव राजमहिषीणां दास्य इष्टाः; सुरूपासु खलु सापत्न्यस्फूर्तिर्भवति ॥ ३८ ॥
त्वमेव तु ममार्थेषु नित्ययुक्ता हितैषिणी ॥ ३९ ॥
नाहं समवबुध्येयं कुब्जे ! राज्ञश्चिकीर्षितम् ।
त्वमेवेति । न तु दास्यन्तरम् । नावबुध्येयामिति । त्वद्बोधनाभाव इति शेषः ॥ ३९ ॥
स्वां कुब्जां कुब्जत्वांशव्यतिरेकेण सुस्त्रीलक्षणवतीमालक्ष्य स्तौति-सन्तीत्यादि । दुस्संस्थिताः-कुत्सितावयवसन्निवेशाः । त्वद्व्यतिरिक्ता इति शेषः अत एव परमपापिकाः-पापदर्शनाः । कश्मलदर्शना इति यावत् । नैवं त्वमित्याह-स्वामित्यादि । वातेन पद्ममिव केवला [६]सन्नता; अथापि प्रियदर्शना ॥ ४० ॥