एतत् पृष्ठम् परिष्कृतम् अस्ति
५९ सर्गः]
23
राम मां प्रापयाशु त्वं प्राणाः सन्त्वरयन्ति माम्
किञ्चिदिति । प्रियमिति शेषः । प्राणाः सन्त्वरयन्तीति ।
निष्क्रमितुमिच्छन्तीति यावत् ॥ २१ ॥
[१]यदि वाऽद्य ममैवाज्ञा निवर्तयतु राघवम् ।
न शक्ष्यामि विना रामं मुहूर्तमपि जीवितुम् ||२२||
यदि वा -अथ वा अद्य ममाज्ञा-छान्दसष्टायाः पूर्वसवर्णता, आज्ञया, भवानद्य राघवं निवर्तयतु | ॥२२॥
अथ वाऽपि महाबाहुः गतो दूरं भविष्यति ।
मामेव रथमारोप्य शीघ्रं रामाय दर्शय ॥२३॥
अथ रामनिवर्तनपक्षस्याशक्यत्वात् स्वनयनमेवाह- - अथ वेत्यादि ॥२३॥
वृत्तदंष्ट्रो महेष्वासः क्वासौ लक्ष्मणपूर्वजः ।
यदि जीवामि साध्वेनं पश्येयं सीतया सह [२]॥२४॥
यदि जीवामीति । तत्समीपगमनर्पयन्तमपि मज्जीवनस्थितौ सन्देह इत्यर्थः ॥२४॥
अतो नु किं दुःखतरं [३] योऽहमिक्ष्वाकुनन्दनम् ।
इमामवस्थामापन्नः नेह पश्यामि राघवम् ॥२५॥
'अतो नु' इत्यत्र अतःशब्दार्थः-- इमामित्यादि ॥ २५ ॥
