एतत् पृष्ठम् परिष्कृतम् अस्ति
156
[अयोध्याकाण्ड:
भरतशपथः
अप्राप्य सदृशान् दारान् अनपत्यः प्रमीयताम् ।
अनवाप्य [१]क्रिया धर्म्याः यस्यार्योऽनुमते गतः ॥ ३५ ॥
प्रमीयतां-म्रियताम् । धर्म्याः- अग्निहोत्रादिकाः ॥ ३५ ॥
अप्राप्येति । म्रियतामिति शेषः [४]॥ ३६॥
राजस्त्रीबालवृद्धानां वधे यत्पापमुच्यते ।
भृत्यत्यागे च यत्पापं तत्पापं प्रतिपद्यताम् ॥ ३७ ॥
राजस्त्रीत्यादौ 'यस्यार्यः' इन्यनुषङ्गो द्रष्टव्यः ॥ ३७ ॥
[५] लाक्षया मधुमांसेन लोहेन च विषेण च ।
सदैव बिभृयात् भृत्यान् यस्यार्योऽनुमते गतः ॥ ३८ ॥
लाक्षया-लाक्षादिविक्रयेणेत्यर्थः । ’लाक्षालवणमांसानि वर्जनीयानि विक्रये' इति वचनात् निषिद्धस्तद्विक्रयः । विषं वत्सनाभादि । भृत्याः -भरणीयस्त्रीपुत्रादयः ॥ ३८ ॥
- ↑ क्रियां धर्म्यां, क्रियाधर्मं-ङ.
- ↑ अनेन ऋणापाकरणं विना ब्रह्मचर्यादेव संन्यासः प्रतिषिध्यते । अविरक्तविषयमिदमिति चेन्न - 'ब्रह्मचर्यादेव प्रव्रजेत् ' इत्यादे: दारालाभविषयत्वात्-गो.
- ↑ नित्यश. - ङ.
- ↑ अथ वा अल्पायुर्भूत्वा पुत्रसन्ततिमप्यप्राप्य म्रियतामित्येकमेव वाक्यम् । पूर्वार्धगतक्रियापदं परित्यज्य अध्याहारादिक्लेशात् । अत्र भिन्नवाक्यत्वे पूर्वश्लोकेऽपि तथा सुवचम् ।
- ↑ 'अप्यकार्यशतं कृत्वा' इत्यस्यापवादोऽयम्- गो.
- ↑ एतदादि श्लोकद्वयं नास्ति-झ
- ↑ समुपोढे - निकटे, ’उपोढे निकटोधयो:' इति वैजयन्ती-गो.
- ↑ शतपक्ष-ङ.