एतत् पृष्ठम् परिष्कृतम् अस्ति
७५ सर्ग: ]
157
भवन्तु मे तदा मात: ! पातकान्यखिलान्यपि
कपालपाणिः पृथिवीं अटतां चीरसंवृतः ।
भिक्षमाणो यथोन्मत्तः यस्यार्योऽनुमते गतः ॥ ४० ॥
चीरं मलिनं जीर्णवस्त्रम् ॥ ४० ॥
मद्यप्रसक्तो भवतु स्त्रीष्वक्षेषु च नित्यशः ।
कामक्रोधाभिभूतश्च यस्यार्योऽनुमते गतः ॥ ४१ ॥
मा स्म धर्मे मनो भूयात् अधर्मं स निषेवताम् ।
अपात्रवर्षी भवतु यस्यार्योऽनुमते गतः ॥ ४२ ॥
संचितान्यस्य वित्तानि विविधानि सहस्रशः ।
दस्युभिर्विप्रलुप्यन्तां यस्यार्योऽनुमते गतः ॥ ४३ ॥
उभे सन्ध्ये शयानस्य यत्पापं परिकल्प्यते ।
तच्च पापं भवेत्तस्य यस्यार्योऽनुमते गतः ॥ ४४ ॥
उभे सन्ध्य इति । अत्यन्तसंयोगे द्वितीया, उभयोः सन्धयोरित्यर्थः ॥ ४४ ॥
- ↑ अग्निदायके- गृहादिषु अग्निनिक्षेपके- गृहादिदाहक इति यावत् ।
- ↑ दाहके-ङ.
- ↑ देवतानां शुश्रूषा-अग्निहोत्रादिकर्मसंभृतैः आज्यचरुपुरोडाशादिभिः प्रीणनम् । पितॄणां तु
उपरागादिषु मातापितृमरणतिथ्यादिषु च पूर्वोक्तैरन्यैस्तिलादिभिश्चाराधनम् ।
पितृशुश्रूषयैव मातापितृशुश्रूषाग्रहणसंभवात् मातापित्रोरित्यत्र जीवतोरिति विवक्षितम्-गो