पञ्चषष्टितमः सर्गः [अन्तःपुराक्रन्दः]
अथ रात्र्यां व्यतीतायां प्रातरेवापरेऽहनि ।
वन्दिनः पर्युपातिष्ठन् तत् पार्थिवनिवेशनम् ॥ १ ॥
एवमर्धरात्रे उत्सृष्टप्राणतः कौसल्याद्यैरविज्ञातनिर्याणतः यथापूर्वमुषसि राजोचितव्यवहारे प्रवृत्तेऽपि राज्ञो यथोचितव्यवहारादर्शनात् शनैः राजनिर्याणं ज्ञात्वा तदुचितव्यवहारे प्रवृत्तिः । अथेत्यादि । रात्र्यां--शेषरात्र्याम् ॥ १ ॥
परमसंस्काराः - उत्तमव्याकरणसंस्कारोपेतशब्दवन्तः । मङ्गलाः- मागधाः-वंशावलिकीर्तकाः । [७] उत्तमं श्रुतं-वंशपरंपराश्रवणं येषां ते तथा । गायका:- वन्दिनः । श्रुतिशीला:-तन्त्री नादविभागशीलाः । पृथक्पृथक् निगदन्त इति । स्वस्वमार्गानुसारेणेति शेषः ॥ २ ॥
राजानं स्तुवतां तेषां [८]उदात्ताभिहिताशिषाम् ।
प्रासादाभोगविस्तीर्णः स्तुतिशब्दो ह्यवर्तत ॥ ३ ॥
उदात्ताभिहिताशिषां - उदात्ततया - उच्चैष्ट्वैन अभिहिताः आशिषः तथा । प्रासादानामाभोगेषु विस्तीर्ण इति । प्रतिध्वनिनेति शेषः ॥ ३ ॥
