इत्युक्तम् । अतोऽप्यत्रापकृष्टशास्त्रपरित्यागेन उत्कृष्टशास्त्रपरिग्रहवचनं स्वेनैव नानाशास्त्रार्थविकल्पयोग्यत्वेन प्रतिपादितं स्वयंव्यक्ते स्थाने स्थापनीयमिति सिद्धम् ।
यदपि चात्र स्थानविशेषमधिकृत्य शास्त्रा[१]धिकारिणोर्नियमः क्रियते--
स्थानविशेषमधिकृत्य
शास्त्राधिकारिणो
नियमपराणां वचनानाम्
अर्थविचारः ।
|
"स्वयंव्यक्ते तथा दिव्ये दिव्यशास्त्रोक्तवर्त्मना । |
एतदपि प्रकृष्टस्थाने प्रकृष्टाधिकारिणां प्रकृष्टशास्त्रा[२] दिपरिग्रहौचित्यमपकृष्टस्थानेऽपकृष्टाधिकारिणामपकृष्टशास्त्रादियोग्यत्व च स्थापयति । अन्यथा वैष्णवायतने क्वचिदपि दिव्यशास्त्रानवतारप्रसङ्गात् । मानुषेऽपि भवने मुख्याधिकारिभिः प्रतिष्ठिते दिव्यशास्त्रेण पूजनादिकर्तव्यत्वस्य पारमेश्वरनिरूपणे दर्शयिष्यमाणत्वाच्च । अत्रापि सिद्धान्तसङ्करपरिहार एव 'अनुक्तान्यर्थजालानि' इत्यादिना स्थापितः ।
