एतत् पृष्ठम् परिष्कृतम् अस्ति
२२६
देवीचतुःषष्ट्युपचारपूजास्तोत्रम् ।
क्षीरमेतदिदमुत्तमोत्तमं
प्राज्यमाज्यमिदमुज्ज्वलं मधु ।
मातरेतदमृतोपमं पयः
संभ्रमेण परिपीयतां मुहुः ।। ३२ ।।
उष्णोदकैः पाणियुगं मुखं च
प्रक्षाल्य मात: कलधौतपाने ।
कर्पूरमिश्रेण सकुङ्कुमेन
हस्तौ समुद्वर्तय चन्दनेन ।। ३३ ॥
अतिशीतमुशीरवासितं
तपनीये कलशे निवेशितम् ।
पटपूतमिदं जितामृतं
शुचि गङ्गाजलमम्ब पीयताम् ॥ ३४॥
जम्ब्वाम्ररम्भाफलसंयुतानि
द्राक्षाफलौद्रसमन्वितानि ।
सनारिकेलानि सदाडिमानि
फलानि ते देवि समर्पयामि ॥ ३५ ॥
