अथ दशमोऽध्यायः ।
अथ संक्षिप्य वक्ष्यामो लुपानां लक्षणं वयम् ।
उत्तरस्यानुरूपेण तासां तारमुदीरितम् ॥ १ ॥
तत्समं पादहीनं वा वस्वंशोनाधिकेन वा ।
पादाधिकं वा वस्वंशत्रितयाधिकमेव वा ॥ २ ॥
विस्तारार्धादिकं वा स्याद् व्यासमेवं प्रकीर्तितम् ।
सार्धाङ्गु[१]लं समारभ्य यावदृत्वङ्गुलान्तकम् ॥ ३ ॥
लु[२]पानामंशवृह्या तु बाहल्यं यववृद्धितः ।
प्रकृतिव्यास सदृशं तुर्यश्रं कल्पयेद् बुधः ॥ ४ ॥
तारार्धगतसूत्राणि लुपानामपि कल्पयेत् ।
तस्य कर्णादिना तारं कोट्यादीनां प्रकीर्तितम् ॥ ५ ॥
वंशोच्चमुत्तरा[३]न्तं यत् खेनैव गुणयेद् बुधः ।
यदायतानि स्थानानि लुपानां वंशलम्बतः ॥ ६ ॥
