ये सन्ति त्वचिसारास्तेऽपि च सन्त्वेव सर्वतो बाह्ये ।
सकलः सारो येषां ते वृक्षाः सर्वदिक्षु युज्यन्ताम् ॥ १८ ॥
वृक्षा निस्सारा[१] ये तेषां क्षेत्रेषु वर्तनं नेष्ट[२]म् ।
जातीनागलताद्या लतिका रम्भाश्च सर्वतः शस्ताः ॥ १९ ॥
हाटकतरुरपि नेष्टो मन्दिरसविधेष्वितीरितं यस्मात् ।
तस्मात् सर्वे वृक्षाः सर्वदिगन्तेऽविनिन्दितास्ते स्युः ॥ २० ॥
द्वारं यत्र च विहितं तदिगधीशाधिपं भवेद् धाम ।
एकतलं वा द्वितलं द्वितले द्विमुखं च निर्मुखं वा स्यात् ॥ २१ ॥
द्वारस्तम्भन्यासो जन्मनि तस्योदितं च शिल्पिवरैः ।
आजन्मान्तं निम्नं मार्गे तारतारसदृशमपि[३] ॥ २२ ॥
अब्धिगुणीकृततारे योनिः स्वीया भवेद्यथा तस्य ।
एतन्मण्डपचतुरं किष्कुमितं वा भवेच्च मात्रमित[४]म् ॥ २३ ॥
स्वदिगधिनाथे द्वारे मार्गेऽपि तथैव वा ततिं कुर्यात् ।
अजिरद्वारेऽप्येवं मार्ग कर्तव्यमाहुराचार्याः ॥ २४ ॥
इति वास्तुविद्यायां वेदिसंस्थानं नाम
पञ्चमोऽध्यायः ।