निर्ऋतिब्रह्मणोर्मध्ये त्विन्द्रचेन्द्रजयस्तथा ।
द्विपदद्वयसंस्थानौ ब्रुवते वास्तुवेदिनः ॥ २५ ॥
ब्रह्मवाय्वोश्च मध्यस्थे देवते कीर्तिते इति ।
रुद्र रुद्रजयश्चैव बहिष्कोणे[१]षु कीर्तितौ ॥ २६ ॥
इति वास्तुविद्यायां वास्तु[२]देवताकथनं नाम
तृतीयोऽध्यायः ।
अथ चतुर्थोऽध्यायः ।
अथ द्वे प्राङ्मुखे द्वारे कुर्याद् हे दक्षिणामुखे ।
द्वारे प्रत्यङ्मुखे द्वे च द्वे च कुर्यादुदङ्मुखे ॥ १ ॥
माहेन्द्रे प्राङ्मुखं द्वारं प्रशस्तं शिष्टजातिषु ।
अपरं तु तथा द्वारं जयन्ते प्राह निश्चयात् ॥ २ ॥
गृहक्षते तथा द्वारं क्षत्रियाणामभीष्टदम् ।
गन्धर्वे निय[३]तं द्वारं वैश्यानां तदभीष्टदम् ॥ ३ ॥
पुष्पदन्ते तु[४] यद् द्वारं शूद्राणां तद्भीष्टदम् ।
सुग्रीवे चापरं द्वारं भल्लाटे सो[५]र्ववर्णिकम् ॥ ४ ॥
