यथा अजहववृत्ते कल्पिते । बदझतौ तत्क्षेत्रयोर्व्यासौ[१] कल्पितौ । यदि बदवर्गझतवर्गयोर्निष्पत्ति: अजवृत्तफलहबवृत्तफलयोर्निष्पत्तितुल्या[२] न भवति तदा अजवृत्तक्षेत्रसक्षेत्रनिष्पत्तितुल्या कल्पिता । सक्षेत्रं प्रथमवृत्तफलान्यूनं कल्पितम् | हववृतफलसक्षेत्रयोरन्तरं[३] क्षेत्रं कल्पितम् । पुनर्झहतचापझवतचापे हचिह्नव चिह्नयोरर्द्धिते कार्ये । पुनर्झहहततववझरेखाः संयोज्याः । तस्मात् हवक्षेत्रं हववृत्तार्द्धफलादधिकं भविष्यति । पुनश्चत्वारि चापानि कचिह्नलचिह्नमचिह्ननचिन्हेष्वर्द्धितानि कार्याणि । एतेषां चापानां पूर्णज्याः संयोज्याः । तस्मात् चापानां मध्ये चत्वारि त्रिभुजान्युत्पद्यन्ते । प्रत्येकं क्षेत्रं खार्द्धादधिकं[४] भविष्यति ।
अनेन प्रकारेण त्रिभुजानि तावदुत्पादनीयानि यावच्छेषवृत्तखण्डानि खक्षेत्रात् न्यूनानि भवन्ति । तस्मात् बहुभुजोत्पन्नं क्षेत्रं कमक्षेत्रं सक्षेत्रादधिकं भविष्यति । पुनर् अजवृत्ते सफक्षेत्रं कमक्षेत्रसजातीयं कार्यम् । तस्मात् बदवर्गझतवर्गयोर्निष्पत्तिः सफक्षेत्रकमक्षेत्रयोर्निष्पत्तितुल्या भविष्यति । अजवृत्तफलस्य सक्षेत्रफलस्य च
भा० २१
