पुटमेतत् सुपुष्टितम्
५९
॥ मालविकाग्निमित्रम् ॥
- राजा ।
- शठ इति मयि तावदस्तु ते
- परिचयवत्यवधीरणा प्रिये।
- चरणपतितया न चण्डतां
- विसृजसि मेखलयापि याचिता ॥ १९ ॥
- इरावती । १इअंपि हदासा तुमं एव्व अणुसरदि । रशनामादाय
- राजानं ताडयितुमिच्छति ।
- राजा । एषा
- बाष्पासारा हेमकाञ्चीगुणेन
- श्रोणीबिम्बादव्यपेक्षाच्युतेन।
- चण्डी चण्डं हन्तुमभ्युद्यता मां
- विद्युद्दाम्रा मेघराजीव विन्ध्यम् ॥ २० ॥
- इरावती । २किं मं भूओवि अवरध्धं करेसि । इति सरशनहस्तमालम्बते ।
- राजा ।
- अपराधिनि मयि दण्डं संहरसि किमुद्यतं कुटिलकेशि।
- वर्धयसि विलसितं त्वं दासजनायात्र कुप्यसि च ॥ २१ ॥
- आत्मगतम् । नूनमिदानीमनुज्ञातम् । पादयोः पतति ।
- १. इयमपि हताशा त्वामेवनुसरति ।
- २. किं मां भूयोप्यपराद्धां करोषि ।
|
|
