उत्तरायणमासे तु कृतं चेदुत्तमोत्तमम् ।
त्वरितेऽप्येवमेवं तु कुर्यात् तद् दक्षिणायने ।। २१३ ॥
त्रिरात्रमेकरात्रं वा सद्योऽधिवासमेव वा।
तत्रैवाविकले द्रव्ये लभेत् कर्ता महत् फलम् ॥ २१४ ॥
एकत्रिपञ्चकलशेषु तथाधिदेवा
एकत्रिपञ्च कथिता इह मूर्तयस्ताः ।
तत्तत् वमन्त्रसहितं तदधः सहेम-
रत्नं निधाय विधिना कलशान् न्यसेत्तत् ॥२१५॥
एवं मुदा भवनकर्मसमाप्तिमत्र
कुर्याजनेशजन(को?गो)कुलसम्पदृद्धयै ।
यद् वैपरीत्यमसमाप्तिकवस्तुवेशं
तद् वास्तुदेवबलिहीनमनर्थदं स्यात् ॥ २१६ ॥
|
इति मयमते वस्तुशास्त्रे शिखरकरणभवनकर्मसमाप्तिविधानं नाम
एकभौमं चतुर्मानं वक्ष्ये संक्षिप्य शास्त्रतः ।
त्रिचतुर्हस्तमारभ्य नवपतयन्तविस्तृतम् ।। १॥
तारे सप्तदशोत्सेधमध्यर्ध तत्रिपादकम् ।
द्विगुणं तु तदुत्सेधं शान्तिकं पौष्टिकं भवेत् ॥ २ ॥
जयदं चाहतं चैव चतुर्थोदयमीरितम् ।
चतुरं वृत्तमायामं ड्यश्रवृत्तं षडश्रकम् ॥ ३ ॥
|