एतत् पृष्ठम् परिष्कृतम् अस्ति
४२
यौरोपैः पण्डितैस्तदनुगामिभिश्च भाषाणां स्वभावं
प्राचां संस्कृतग्रन्थानां वस्तुगतिं [१]शिलालेखांस्तांम्रशासनानि[२] विदेशचरितानि[३] चावलम्ब्य कयापि रीत्या
तेषां पुरावृत्तम् अनुमितम् अस्ति । तदत्र संक्षिपामः ।
[४]बुद्धजन्मनोऽर्वाचीनानां[५] वृत्तानां यथायथं कालं च
निर्दिशामः ॥
कालविभागः.
आर्याणां भारतप्रवेशात् प्रभृति आ महम्मदीयाक्रमणात् [६]३१६० वत्सरान् कालं कल्पयन्ति चरितचिन्तकाः ।
स च काल एवं विभज्यते—[७]११०१ तमादि [८]१७०१ तमान्तं कलिवर्षजातं वेदकालः; १७०१ तमादि [९]२१०१ तमान्तं ब्राह्मणकालः; २१०१ तमादि
