एतत् पृष्ठम् परिष्कृतम् अस्ति
२९
मालवाः-स [१]’मालवदेशो’, यत्र [२]उज्जयिनी [३]दशपुरं च नगरे; [४]धारा च । अस्य ’अविन्तिदेश’ इति नामान्तरम् अस्ति । उज्जयिनी चावन्तिपुरीत्युच्यते । उज्जयिनी पुरा ग्रहपरीक्षकैः [५]खमध्यस्थानं कल्पितम् आसीत् ।
उज्जयिन्यां प्रख्यातं शिवक्षेत्रम् अस्ति, यत्र देवो महाकालनाम्ना प्रथते ॥
दशार्णाः--मालवानां पूर्वं भागं दशार्णदेशं वदन्ति । अस्य राजधानी वेत्रवत्यास्तीरे [६]’विदिशा’ इति नाम्ना बभूव ॥
सौराष्ट्राः--’सौराष्ट्रदेशो ' मालवदेशात् पश्चिमतोऽस्ति । अयम् अद्यत्वे [७]’गुर्जरदेश’ इयुच्यते। इदं श्रीकृष्णस्य राज्यम् आसीत् । अत्र ’द्वारका’ नाम नगरी विद्यते । अस्या दक्षिणपूर्वत उपशतक्रोशदूरे पुरातनी द्वारकापुरी आसीत् । इयं ’द्वारावती' इत्यपि कथ्यते । इदं नगरं देशस्यानर्तसंज्ञया ’आनर्तनगरम्’ इत्यप्याख्यातं बभूव ।
