एतत् पृष्ठम् परिष्कृतम् अस्ति
१९
कावेरी --’[१] कावेरी' सह्यपर्वताद् आविर्भूय प्रथमं पूर्वाभिमुखी ततो दक्षिणाभिमुखी पुनः पूर्वाभिमुखी च स्यन्दते । [२]उपश्रीरङ्गपत्तनम् एषा द्विधात्मानं कृत्वा पश्चाद् एकीभवति; अन्ते च बहुभिर्मुखैः पूर्वाब्धिं प्रविशति । एतदीया स्रोतस्सरणिः [३]४७५ क्रोशान् दीर्घा भवति ॥
वेगवती –'वैगै' इति प्रसिद्धा '[४]वेगवती' मलयपर्वताद् उद्भूय [५]मधुरापुरद्वारेण पूर्वतो गच्छति । इयम् अन्तर्वाहिनी । अतोऽस्यां प्रायो वर्षास्वेव स्रोतो लक्ष्यं भवति । आराच्च [६]रामसेतोः समुद्रेणैषा सङ्गच्छते । इमां 'कृतमाला' इति 'शिवगङ्गा' इति च वदन्ति ॥
ताम्रपर्णी –'[७]ताम्रपर्णी' मलयपर्वताद् आविभूय पूर्वदिशा प्रवहन्ती पूर्वाब्धिना संयुज्यते । अ-
