संगृहीतवसुजालमुज्ज्वलं
भानुहेमकलशं दिनात्ययः[१] ।
न्यस्तवानिव पयोधिमन्दिरे
लो [२]कसाक्षिकमलक्ष्यत क्षणम् ॥ ६ ॥
वारिवक्त्रविवरे विवर्तितं
वीचिलोलरसनाविलोलितम् ।
नूनमूष्मघ[३]रमर्कमण्डलं
वारिधिः सरभसं निगीर्णवान् ॥ ७ ॥
तप्तमाय समिवार्कमण्डलं
वासरेण शुचिना चिरं धृतम् ।
क्षिप्तमम्भसि पयोनिधेरभूत्
तस्य धूम इव मेदुरं तमः ॥ ८ ॥
पद्मिनी रविवियोगविहला ।
भृङ्गराव कृतगद्गदस्वरा ।
श्लिष्यदम्बुजकराङ्गुलीदलै :
प्राप्तिकालगणनामिवाकरोत् ॥ ९ ॥
इन्दिरामिव सरोजमन्दिरां
रक्षितुं रविसमागमावधि ।
सन्ध्यया पिहितमम्बुजोदरं
यामिकैर्बहिरकूजि षट्पदैः ॥ १० ॥
एकपङ्कजपलाशसंश्रितं
प्राप चक्रमिथुनं वियोगिताम् ।
