पश्चिमे तद्नु पाथसां निधौ
लम्बते स्म दिवसात्यये रविः ।
श्यामले वपुषि शार्ङ्गधन्वनः
कौस्तुभो मणिरिवारुणच्छविः ॥ १ ॥
प्राप्य रक्तमलिनाम्बरां दिशं
वारुणीं कुसुभितामिवाङ्गनाम् ।
दो[१]षमेनमपनेतु मम्बुधौ
मङ्क्तुमुद्यत इवास्त भानुमान् ॥ २ ॥
लोहिताभ्रदुलमण्डलोज्ज्वलं
रश्मि केसरपरागधूसरम् ।
भासते स्म विपुलं पयोनिधौ
पुण्डरीकमिव भानुमण्डलम् ॥ ३ ॥
वीचिजालचटुले पयोनिधौ
साचिमनवपुराबभौ रविः ।
इन्द्रनीलमणिगुम्फमण्डने[२]
पद्मराग इव नायकीकृतः ॥ ४ ॥
खण्ड्यमानमृदु रश्मिसञ्चये
हेमकुम्भ इव भानुमण्डले
सन्ध्यया जलॅनिधौ निपा[३]तिते
रश्मिखण्ड[४]धरया समुत्थितम् ॥ ५ ॥
