जलविहारसमुत्सुकयैकया
न दयिता[१]नुनयेन विनोत्थितम् ।
मृदुसुखादपि नीचजनादृतात्
प्रभुधियां गरिमैव रसावहः ॥ ३७ ॥
रमणपृष्ठमधिष्ठितयान्यया
जलमगाहि भयाकुलया किल ।
न पुनरात्मवपुर्गुरुतां जनः
प्रिय इवार्हति वेदितुमित्य (द ? तः)[२]॥ ३८ ॥
उपसपत्नि समानमपि स्थितं
प्रियमभङ्गरसौभगगर्वितम् ।
समधिरुह्य विधा [३]य विमानतां
सुरवधूरिव कापि सरो ययौ ॥ ३९ ॥
अवजितं वनितावदनेन्दुभिः
कमलषण्डमखण्डमपि ध्रुवम् ।
सरसि दण्डवदेव ननाम यत्
सलिलवाद्य परिक्षुभितेऽम्भसि ॥ ४० ॥
शफरजालविलोलविलोचनैः
सकुतुकं समवेक्ष्य विलासिनीः ।
ध्रुवमसौ सरसः पयसां चय-
श्चपलवीचिभुजैः परिषस्वजे ॥ ४१ ॥
वपुषि यौवनवारिमहाहूदे
तरुणलोचनमीनकुलाकुले ।
