उरसि वामदृशां विनिवेशिताः
स्थगितहारमशोकतरुस्रजः ।
उपरि षट्पदधूमविनिर्गताः
स्मरकृशानुशिखा इव रेजिरे ॥ २६ ॥
न वकुले चरसीति मृषा श्रुतं
बकुलदाम विगुम्फितवानसि ।
इति कयापि गभीररुषा धृतं
बकुलदाम घवेन निवेदितम् ॥ २७ ॥
सुरभि पाटलमुत्सुकमानसै-
र्मधुलिहां मिथुनैरवलम्बितम् ।
न विधुतं रसभङ्गभियान्यया
परसुखानुगुणा [१] हि रसज्ञता ॥ २८ ॥
इति विहृत्य चिराय नृपाङ्गनाः
श्रमजवारिकणोल्लसिताननाः ।
कुसुमसङ्गमवासनया मुहुः
स्तबकिता इव रेजुरमू: स्वयम् ॥ २९ ॥
पृथुलमौक्तिकशिक्यनिवेशनात् ।
गुरुपयोधरहेमघटद्वयं
जघनमूरुकरीन्द्रकराश्रया-
न्नियतमूहुरमूः श्रमकर्शिताः ॥ ३० ॥
मृदुरयाः स्तनकोकधराः स्त्रिय
श्चलित मौक्तिकफेनविपाण्डुराः ।
