अपिहिताः सहकारनवाङ्कुराः
सपदि षट्पदनीलवरासिभिः ॥ ९ ॥
मृदुपलाशनखा[१]न् विपिनश्रियः
समभिरज्य मधुर्नवयात्रकैः ।
अकृत यावकशेपमित्र क्षिपन्
कुसुमजालम शोकमहीरुहे ॥ १० ॥
अभिमताश्चिरभोग्यरसोदयाः
सुमनसो बकुलस्य मधुव्रताः ।
न विजहुः पतिता इति केवलं
रसविदां रस एवं परं धनम् ॥ ११ ॥
मधुसभागममङ्गलदीपिका
स्मरसुवर्णशिलीमुखसन्ततिः ।
(नव ? वन) भुवः पुलकावलिराबभौ
कुसुमिता नवचम्पकमण्डली ॥ १२ ॥
मृदुलधौतधुनीघवलाम्बराः
प्रकटिताचलतुङ्गकुचश्रियः ।
मधुसमागभसंभ्रममीक्षितुं
हिमपटावरणानि जहुर्दिशः ॥ १३ ॥
हिमपटीमपनीय पुरःस्थितां
यवनिकामिव चारु वनश्रियः ।
ननृतुरेव वसन्तमहोत्सवे
पवनलोलितपल्लवपाणिभिः ॥ १४ ॥
